Չարաչար սխալվում եք, եթե կարծում եք, որ 40-ից հետո անհնար է ապշեցնել մարդկանց անզուգական արտաքինով եւ կեցվածքով: 

Որպես ապացույց՝ այսօր ներկայացնում ենք 1990-ական թվականների հայտնի սուպերմոդելներին, որոնք այժմ էլ ցնցող տեսք ունեն:

Հետաքրքիր է նաեւ իմանալ այս մոդելների գեղեցկության գաղտնիքը. ոմանք դիմել են պլաստիկ վիրահատությունների, մյուսները` հատուկ սննդակարգ են պահում կամ պահպանել են բնությունից շնորհված գեղեցկությունը: Մի խոսքով, այս մոդելները գինու նման տարիների հետ ավելի ու ավելի են գեղեցկանում:

Ամբեր Վալետան

Ամբեր Վալետա

1993 թվականին Ամբեր Վալետան մեծ հեղինակություն է վայելել նորաձեւության աշխարհում, այսօր էլ գերմանացի 38-ամյա մոդելը կրկին մեծ պահանջարկ ունի, թեեւ մոդելային բիզնեսին հրաժեշտ տալու տարիքում է: Ամբերը բացահայտել է իր գեղեցկության գաղտնիքը. "Ես օգտագործում եմ արեւապաշտպան քսուք նույնիսկ ամպամած օրերին: Հազվադեպ եմ շպարվում. կարծում եմ, որ կանայք պետք է բնական տեսք ունենան: Իսկ շպարվելիս շեշտը դնում եմ աչքերիս կամ շուրթերիս վրա’’:

Նաոմի Քեմփբելը

Նաոմի Քեմփբել

42-ամյա մոդել Նաոմի Քեմփբելը գեղեցկությունը պահպանելու մի շարք բաղադրատոմսեր ունի, բայց ամենից կարեւորը "մոգական’’ կոկտեյլն է, որի բաղադրիչներն են թխկու օշարակը, կիտրոնի հյութը, կայենյան պղպեղն ու ջուրը: "Սեւ հովազը” վստահեցնում է, որ այս կոկտեյլն օրգանիզմը մաքրելու հրաշալի միջոց է: Նաոմին չի օգտագործում կարտոֆիլ, հացեղեն, շաքար եւ մակարոն:

Քրիսթի Թարլինգթոնը

Քրիսթի Թարլինգթոն

43-ամյա Քրիսթի Թարլինգթոնն այսօր էլ մասնակցում է բազմաթիվ ցուցադրությունների: Մոդելը խոստովանում է, որ իր գեղեցկության եւ երիտասարդության գաղտնիքը ներաշխարհն է: Նա զբաղվում է յոգայով եւ տարին մի քանի անգամ հատուկ սննդակարգ է պահպանում ` օգտագործելով բանջարեղեն եւ հյութ:

Սինդի Քրոուֆորդը

Սինդի Քրոուֆորդ

46-ամյա Սինդի Քրոուֆորդի վրա տարիները ոչ մի հետք չեն թողել: Գեղեցկուհին շարունակում է մասնակցել ցուցադրությունների եւ կիսամերկ լուսանկարվել: Հարցազրույցներից մեկի ընթացքում Սինդին նշել է, որ չի վախենում տարիքից, դրա համար էլ հրաժարվում է պլաստիկ կամ կոսմետիկ միջամտություններից: Նա խնամում է մաշկը տարբեր քսուքների միջոցով եւ զբաղվում է սպորտով:

Կլաուդիա Շիֆերը

Կլաուդիա Շիֆեր

1990-ականների աստղ Կլաուդիա Շիֆերն արդեն 42 տարեկան է, բայց 30 տարեկանի տեսք ունի: Երեք երեխայի ծնունդը ոչ մի կերպ չի ազդել նրա կառուցվածքի վրա: Նման տեսք ունենալու համար Կլաուդիան ակվաաէրոբիկայով է զբաղվում:

Էլ Մաքֆերսոնը

Էլ Մաքֆերսոն

Բոլորին հետաքրքրում է, թե ավստրալացի մոդել Էլ Մաքֆերսոնին ինչպես է հաջողվել 49-ը տարեկանում նման տեսք ունենալ: Պարզվում է՝ Էլի գաղտնիքը սննդակարգի մեջ է. "Չեմ սիրում հաց, մակարոնեղեն, բայց ինձ ոչ մի բանից չեմ զրկում’’:

Ստեֆանի Սեյմուրը

Ստեֆանի Սեյմուր

Ժամանակն անզոր է նաեւ Ստեֆանի Սեյմուրի դեպքում: Նրան նայելով՝ դժվար է հավատալ, որ 43 տարեկան է եւ չորս երեխա ունի: Մոդելը զբաղվում է սպորտով եւ խստորեն հետեւում է սննդակարգին: Ի դեպ, Ստեֆանին 20 ամենահարուստ մոդելներից մեկն է:

Bravo.am