Ռուսական հայտնի ոճաբան Դմիտրի Լյուբաշչենկոն դաժանորեն սպանվել է իր բնակարանում: Ոճաբան-վարսահարդարի մարմինը՝ դեմքով արյան լճի մեջ ընկած, հայտնաբերել է տունը մաքրելու համար եկած հավաքարարուհին:

НТВ-ի փոխանցմամբ, կինն անհապաղ զանգահարել է իրավապահներին: Դեպքի վայր ժամանած ոստիկանները մարմնի վրա բազմաթիվ դանակի հարվածներ են հայտնաբերել:

Հետաքրքիր է, որ զոհի բնակարանից ոչինչ չի կորել: Իսկ գետնին ընկած է եղել ոճաբանների միջազգային մրցույթում կատարված նրա լուսանկարը:

Իրավապահներին հղում կատարելով՝ «Московский Комсомолец»-ը տեղեկացնում է, որ դռան վրա կոտրված հետքեր չեն եղել: Ամեն ինչ խոսում է այն մասին, որ զոհը կա՛մ ինքն է դուռը բացել մարդասպանի առջեւ, կա՛մ հանցագործն ունեցել է նրա բնակարանի բանալիները: Կատարվում է հետաքննություն:

NEWS.am STYLE