37-ամյա Ջո Տոինտոն մտածում էր, որ ջարդել է ողնաշարը, երբ ընկել է իր տան խոհանոցում, սակայն նա կարողացել է կանչել պարադեմիկների, այնուհետև զգացել է, որ պատրաստվում է լույս աշխարհ բերել իր փոքրիկին:

Տոինտոն, ով գտնվում էր հղիության 35-րդ շաբաթում, տեղափոխվել է հիվանդանոց, որտեղ կեսարյան հատման միջոցով լույս աշխարհ է եկել իր փոքրիկը: Ջոն և իր ամուսին Դեյվիդը երկու ամիս առաջ էին տեղափոխվել նոր տուն և վերանորոգում էին լոգարանը:

Տոինտոին խոհանոցում հայտնաբերել է 2-ամյա որդին: «Ես ընկա ու գլուխս հարվածեցի խոհանոցի սեղանին: Ես կարծում էի, որ ջարդել եմ ողնաշարս, սակայն պարզվեց ես ուղղակի շնչակտուր էի լինում», - ասել է Ջոն:

Ջոյի փոքրիկը ծնվել է հունիսի 1-ին: Նա դեռ գտնվում է վերակենդանացման բաժանմունքում, սակայն օրեցօր նրա առողջական վիճակը լավանում է:

«Ես այն ժամանակ չէի գիտակցում, որ կարող եմ կորցնել նրան, սակայն նա օրեցօր ավելի ու ավելի է ուժեղանում», - ասել է Ջոն: