Առնվազն 9 բանտարկյալ է մահացել Հալեպի բանտում սկսված ապստամբության ընթացքում. տեղեկացնում է BBC-ն:

Սիրիացի ընդդիմադիր ակտիվիստները տեղեկացնում են, որ ապստամբություն է սկսվել նաև Հոմսի բանտում. խոսվում է այստեղ տեղի ունեցած պայթյունների և հրդեհների մասին:

Ակտիվիստների խումբը, ով իրեն «Տեղական համակարգող խորհուրդ» անվանումն է տվել, պնդում է, որ բանտը «հումանիտար աղետի եզրին» է:

Կազմակերպությունը դիմել է միջազգային հանրությանը` խնդելով օգնել կանխելու բանտում տեղի ունեցող «զանգվածային գնդակահարությունները»:

Զուգահեռ, սիրիական պետական հեռուստաընկերությունը հայտարարել է, որ կառավարական անվտանգության ուժերը վերականգնել են վերահսկողությունը Դամասկոսի շրջանների մեծ մասում, որոնք անցյալ շաբաթ անցել էին ընդդիմության վերահսկողության տակ:

Նրանք ցուցադրել են Նահր Իշ շրջանը, որտեղ երևացել են սպանված զինյալների մարմինները: Կառավարական զորքերը գրավել են նաև Միդան թաղամասը, որն ավելի վաղ վերահսկում էր ընդդիմությունը:

tertnews.am