«Այսօր շատ կարևոր գործեր ունեմ, այդ իսկ պատճառով չգիտեմ կհասցնե՞մ արդյոք տոնել ընտանիքս հետ երեկոյան, թե` ոչ»: Մեզ հետ զրույցում Հայկոն նշեց, որ առհասարակ չի սիրում տոնել իր ծննդյան օրը. «Շատ ի միջի այլոց եմ վերաբերվում ծնունդիս: Իհարկե ընտանիքիս համար շատ կարևոր է, որ այսօր իրենց կողքին լինեմ, բայց չգիտեմ, կհասցնե՞մ շուտ ավարտել գործերս: Պիտի աշխատեմ ինչքան հնարավոր է շուտ տուն գամ այսօր»:

Հայկոն այնքան տարված էր իր այդ կարևոր գործով, որ ArmStar.am-ի մոտ հարց առաջացավ` ի՞նչ գործի մասին է խոսքը: Պատասխանն այսպիսին էր. «Դե, շատ կարևոր գործերով եմ»,- ծիծաղելով պատասխանեց Հայկոն: Նա չցանկացավ մանրամասնել, թե կոնկրետ ինչով է զբաղված լինելու այսօր մինչ երեկո, այնուամենայնիվ, մեզ մնում է երգչին հաջողություն ցանկանալ և հուսալ, որ շատ շուտով  այդ գործը որպես անակնկալ կմատուցի իր երկրպագուներին: «Վերջին անգամ չեմ հիշում, թե երբ եմ տոնել ծնունդս, վերջին մի հինգ-վեց տարում հաստատ նման դեպք չի եղել»,-իր ասելիքն այսպես եզրափակեց Հայկոն:

ArmStar.am-ը շնորհավորում է երգչին ու ցանկանում կարևոր գործերի շուտափույթ լուծումներ:

Շնորհավորեց Աշխեն Մնացականյանը/ArmStar.am/