Ընդհանրապես անտիմյուլերյան հորմոնը արտահայտում է ձվարանների ռեզերվի`պաշարի պատկերը`ինչքանով են առողջ տվյալ կոնջ ձվարանները, ֆոլիկուլները, որակապես ինչքանով են լավը`լիարժեք ձվաբջիջները, որքանով ադեկվատ կպատասխանեն ձվարանները նրանց դեղերով խթանմանը: 
Հաճախ թվում է խնդիր չկա, ինչպես դուք եք նշում, որ համարյա բոլոր հետազոտության տվյալները նորմալ են`FSH-ը,նորմալ ձվազատում է կատարվում,սակայն եթե անտիմյուլերյան հորմոնի պակաս է դիտվում,ապա ստացվում է,որ առկա է ոչ լիարժեք ձվաբջիջ, որը ունակ չէ բեղմնավորման կամ հետագա նորմալ հղիության զարգացման: 
Այս դեպքում խորհուրդ է տրվում դիմել արտամարմնային բեղմնավորման, երբեմն էլ այն կատարվում է դոնորական ձվաբջջով, քանի որ տվյալ կնոջ ձվաբջիջները որակապես վատն են լինում: 
Դուք արդեն 34 տարեկան եք և եթե ձեր նշած թիվը տվյալ լաբորատորիայի տված նորմայից ցածր է, ապա պետք է ուղղակի գնալ արտամարմնային բեղմնավորման հավանական է դոնորական ձվաբջջով: Այստեղ ձեր քաշի անկումը դեր չի խաղա:Առողջություն: 

Պատասխանեց գինեկոլոգ Արմինե Հովհաննիսյանը

doctors.am