Վերջերս համացանցում տարածվել էին լուսանկարներ, որտեղ երիտասարդ դերասան, ռեժիսոր, «Հարազատ թշնամի» հեռուստասերիալում Մաքսի կերպարը մարմնավորած Արմեն Դալլաքյանն արյունոտ, պատռված հագուստով է, ձեռքին էլ՝ դանակ: Լուսանկարները տարբեր մեկնաբանությունների տեղիք էին տվել, որոնց առնչությամբ էլ զրուցեցինք երիտասարդ դերասանի հետ:

Տարածված լուրերը, թե իբր դերասանը ծեծի է ենթակվել, չեն համապատասխանում իրականությանը. այդ լուսանկարները նրա հեղինակային` «Ինչի համար» ֆիլմից են, որը, ըստ դերասանի, հայկական կինոյի պատմության մեջ առաջին սարսափ ժանրի ֆիլմն է:

«Ֆիլմի պրոդյուսերը, ռեժիսորը, սցենարի հեղինակն ու գլխավոր դերակատարը ես եմ,  նկարահանումներն արդեն ավարտել ենք, հիմա մոնտաժային փուլում է: Հստակ չեմ կարող ասել, թե երբ այն կներկայացնենք հանդիաստեսին, բայց հաստատ մեծ էկրաններին կլինի»,- ասաց դերասանը ու հավելեց,- ֆիլմում ընդգրկել ենք երիտասարդ, տաղանդավոր, բայց ոչ պրոֆեսիոնալ դերասանների` նպատակ ունենալով, հանրությանը ցույց տալ, որ կան մարդիկ, ովքեր ի վիճակի չեն բարձրագույն կրթություն ստանալու, բայց բավականին տաղանդավոր են»:

Դերասանն ասաց նաև, որ մեկ այլ ֆիլմի մտահղացում էլ ունի, այս անգամ դրամատիկ ժանրի, որի նկարահանումները, նրա հավաստմամբ, շուտով կսկսեն:

Լուսանկարները՝ Lrahos.net-ի
armblogs.am