Հետաքրքիր Փաստեր Пятница, 22.11.2024, 15:58
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Սոբչակին ազատել են աշխատանքից` առանց պատճառաբանության

Վարորդը տուգանվել է գեղեցիկ կնոջը նայելու համար

Մադոննայի դուստրը կրկին աղմուկ է բարձրացրել իր պահվածքով /ֆոտո/

Մոլորակի ամենագեղեցիկ կինը ըստ People ամսագրի հարցումների

Խորհուրդներ ամուսնացած կանանց

Տղամարդիկ գերադասում են “բալզակյան տարիքի” կանանց

Եվրո-2012-ի աստղերի նախկին և ներկա ընկերուհիները(Ֆոտոշարք)

Սիրուհու հետ սեքսով զբաղվելիս մահն ավելի հավանական է, քան կնոջ հետ. հետազոտություն

Բնավորության 5 գիծ, որոնք տղամարդիկ ուզում են տեսնել իրենց կանանց մեջ

Նույն անկողնում քնելն օգտակար է զույգի առողջության համար. հետազոտություն

Թաիլանդուհին նկարում է կրծքերով(Վիդեո)

Գիտնականները կարող են արհեստական լյարդ ստեղծել

Ադրբեջանցի երկու զինվոր պայթել է ականի վրա

Թոմ Քրուզը և Քեթի Հոլմսը բաժանվում են

Օրական քանի՞ անգամ են տղամարդիկ եւ կանայք մտածում սեքսի մասին

Միջոցներ աչքերի հոգնածության դեմ. վերականգնեք նրանց փայլը

Սեքսուալ կյանքում շատ օրենքներ անարդարացի են

Կաթն ու գարեջուրը դանդաղեցնում են ծերացումը

Րաֆֆու փողոցում ''ՌԱՖ'' է այրվել (ֆոտո)

Поиск
Главная » 2013 » Մայիսի » 17 » Իգնատը սպանել է իրեն «Ինգուլիկ» անվանող, ստորացնող ու հայհողող համածառայակցին Ալբերտին
18:04
Իգնատը սպանել է իրեն «Ինգուլիկ» անվանող, ստորացնող ու հայհողող համածառայակցին Ալբերտին

Վերաքննիչ քրեական դատարանում ավարտվեց Իգնատ Ենգիբարյանի գործով պաշտպանական կողմի բերած վերաքննիչ բողոքի քննությունը:

Տավուշի մարզի ընդհանուր իրավասության դատարանը Ռաֆիկ Մելքոնյանի նախագահությամբ մեղավոր է ճանաչել և դատապարտել Իգնատ Ենգիբարյանին:

Ըստ դատավճռի՝ ժամկետային զինծառայող, շարքային Իգնատ Ենգիբարյանը 2012 թվականի փետրվարի 23-ին, ժամը 13-ն անց 30-ի սահմաններում, որպես դիտորդ նշանակված լինելով հենակետի կրակակետում, համածառայող, շարքային Ալբերտ Ադիբեկյանի կողմից իր նկատմամբ դրսևորած նվաստացնող վերաբերմունքի համար վրեժխնդիր լինելու նպատակով լիցքավորել է իր հաստիքային ինքնաձիգը, ապահովիչը դրել մենահատ կրակոցի ռեժիմում, հետևից, մոտ չորս մետր հեռավորությունից մեկ կրակոց է արձակել Ադիբեկյանի գլխին՝ պատճառելով հրազենային վնասվածք, որի հետևանքով վերջինս մահացել է:

Նախաքննական ցուցմունքում Ենգիբարյանը հայտնել է, որ իր ու տուժողի հարաբերությունները եղել են լարված: 

2011 թվականի ապրիլից Ադիբեկյանը համածառայողների ներկայությամբ պարբերաբար վիրավորել, հայհոյել է իրեն: Ինքը համարժեք պատասխան չի տվել, բայց ատելությամբ է լցվել իրեն նվաստացնողի նկատմամբ, չի ցանկացել հանդիպել նրան, շփվել հետը, միևնույն ժամանակ ոչինչ չի կարողացել անել նրան սաստելու համար:

Ինքն ու Ադիբեկյանը մարտական հերթապահության են նշանակվել, և Ադիբեկյանը շարունակել է ծաղրել ու նվաստացնել իրեն:

Անվանել է «Ինգուլիկ», համածառայողները ծիծաղել են, իսկ ինքը՝ վիրավորվել: 

2012 թվականի փետրվարի 10-ից ընդգրկվել են մարտական հերթապահության մեջ: Ցերեկային ժամերին եղել են դեպքեր, որ Ադիբեկյանը ծառայություն չի իրականացրել, ինքը նրա փոխարեն էլ է ծառայել:

Փետրվարի 21-ին իրենք «Մաֆիա» են խաղացել: Ինքը խաղի կանոնները չի իմացել, ինչի կապակցությամբ Ադիբեկյանը բոլորի ներկայությամբ ծաղրել, վիրավորել ու հայհոյել է իրեն:
Փետրվարի 23-ին Ադիբեկյանը նորից հայհոյել է իրեն, կրակակետ է ներկայացել ուշացումով, թափթփված, որովհետև վաշտի հրամանատարը եկել էր հենակետն ստուգելու:

Ըստ Ենգիբարյանի՝ «քանի որ ֆիզիկապես հաշվեհարդար տեսնելու հնարավորություն չի ունեցել, որոշել է հենց կրակակետում Ադիբեկյանի վրա մեկ անգամ կրակել ու վրեժխնդիր լինել»: 

Կամաց լիցքավորել է ինքնաձիգը, որ Ադիբեկյանը չլսի, թաքուն մոտեցել է ու մեկ անգամ հետևից կրակել նրա գլխի շրջանին:

Ընդհանուր իրավասության դատարանում ամբաստանյալ Իգնատ Ենգիբարյանը չի ընդունել մեղքը, փորձել է ներկայացնել, թե Ադիբեկյանը սպանվել է հակառակորդի կրակոցից: Իր և Ադիբեկյանի հարաբերությունների մասին ասել է, թե դրանք եղել են նորմալ: Եղել են դեպքեր, երբ Ադիբեկյանը կատակներ է արել, բայց դրանք իր համար վիրավորական չէին: 

Նախաքննության ժամանակ խոստովանական ցուցմունքներ է տվել, որովհետև եղել է սթրեսային վիճակում, ռազմական ոստիկանությունում էլ ենթարկվել է բռնությունների:

Դատարանը արժանահավատ է գնահատել ամբաստանյալի նախաքննական ցուցմունքները: 

Ենգիբարյանի նախաքննական ցուցմունքները հաստատվել են համածառայողների վկայություններով: 

Քննչական փորձարարության ժամանակ Իգնատ Ենգիբարյանը մանրամասն նկարագրել է, թե ինչպես է սպանել Ադիբեկյանին, ցույց է տվել կրակոցի պահին Ադիբեկյանի դիրքը:

Գործի այսպիսի հանգամանքների պայմաններում չի նշանակվել դատահոգեբանական փորձաքննություն, չի որոշվել, թե հոգեբանական ի՞նչ վիճակում է եղել ատելությունից համածառայողին սպանած զինվորը: 

Կատարվել է միայն ստացիոնար դատահոգեբուժական փորձաքննություն, համաձայն որի՝ Ենգիբարյանը հոգեկան հիվանդությամբ չի տառապել, նա ճանաչվել է մեղսունակ:

Այս ողբերգությունը տեղի է ունեցել նաև զինվորների փոխհարաբերությունների կանոնագրքային կանոնների խախտումների նկատմամբ զորամասի հրամանատարության, սպաների անուշադրության ու անտարբերության պատճառով: 

Իգնատ Ենգիբարյանն ընդհանուր իրավասության դատարանի դատավճռով մեղավոր է ճանաչվել դիտավորյալ սպանության համար՝ ՀՀ քրեական օրենսգրքի 104 հոդվածի 1-ին մասով, և դատապարտվել է 10 տարի ազատազրկման:

Դատավճռի դեմ վերաքննիչ բողոք է բերել պաշտպանական կողմը: Ընդհանուր իրավասության դատարանում կիրառված պաշտպանական տակտիկան՝ ամբաստանյալի կողմից իր մեղքը չընդունելը, շարունակելով՝ նրա շահերի պաշտպան Մ. Դավթյանը պահանջել է բեկանել կայացված դատավճիռը, արդարացնել Իգնատ Ենգիբարյանին, կամ գործն ուղարկել ստորադաս դատարան՝ նոր քննություն կատարելու:

Հիմնավորելով բերված բողոքը՝ պաշտպանը վերաքննիչ քրեական դատարանում նշեց, թե նախաքննական մարմինը և ընդհանուր իրավասության դատարանը հիմնվել են սպանության «պատրանքային մոտիվի» վրա, որը, պաշտպանի կարծիքով, չի հիմնավորվել դատաքննությամբ, քանի որ ամբաստանյալը հրաժարվել է նախաքննական ցուցմունքներից, ասել, թե իր և տուժողի հարաբերությունները եղել են նորմալ, ինքը նրա ուղղությամբ չի կրակել ու չի սպանել: 

Ըստ պաշտպանի՝ քանի որ սպանության ականատես վկաներ չկան, գործով վկայություն տված համածառայողները դեպքի պահին ներկա չեն եղել, նրանց ցուցմունքները բուն հանցագործության կատարման վերաբերյալ չեն կարող Ենգիբարյանի մեղքը հաստատող ապացույցներ լինել:

Պաշտպանը ներկայացրեց Իգնատ Ենգիբարյանի տեսակետը, ըստ որի՝ նախաքննական ցուցմունքները տվել է ռազմական ոստիկանությունում իր նկատմամբ կիրառված բռնությունների ազդեցության տակ:

Պաշտպանը նշեց, թե ընդհանուր իրավասության դատարանն անհիմն մերժել է իր միջնորդությունը՝ կրկնակի դատաբժշկական փորձաքննություն նշանակելու մասին, մինչդեռ կատարված փորձաքննության եզրակացության մեջ սպառիչ պատասխաններ չեն տրվել մի շարք կարևոր հարցերի:

Ամբաստանյալ Իգնատ Ենգիբարյանը միացավ իր պաշտպանին, ավելացրեց, որ ինքը չի սպանել Ալբերտ Ադիբեկյանին, քննիչներն են ստիպել, որ խոստովանական ցուցմունքներ գրի: Նույն քննիչներն էլ, ըստ Ենգիբարյանի, սովորեցրել են վկաներին, թե նրանք ինչ ասեն:

Իգնատ Ենգիբարյանի հարազատները, անգամ՝ մայրը վերաքննիչ դատարան չէին եկել: Դահլիճում միայն տուժողի հարազատներն էին:

Մեղադրող Մ. Հախվերդյանն առարկեց բերված բողոքի դեմ: Ըստ մեղադրողի՝ Ենգիբարյանի մեղքը գործով լիովին ապացուցված է, ընդհանուր իրավասության դատարանի դատավճիռը հիմնավոր է և օրինական, այն բեկանելու հիմքեր չկան:

Մեղադրողը վկայակոչեց դեպքի հաջորդ օրը կատարված քննչական փորձարարությունը, որի ժամանակ Իգնատ Ենգիբարյանը տեսախցիկի առաջ մանրամասնորեն, «անգամ՝ սառնասրտորեն, առանց ուղղորդող հարցերի» ցույց է տվել սպանության կատարման մեխանիզմը, իր և տուժողի դիրքերը հանցագործության կատարման պահին: Իր և տուժողի լարված փոխհարաբերությունների, տուժողի կողմից պարբերաբար նվաստացվելու, ծաղրուծանակի ենթարկվելու վերաբերյալ Ենգիբարյանը նշել է մի քանի անգամ: Դեպքից երեք ամիս անց է նա փոխել պաշտպանական տակտիկան, խոսել իր անմեղության մասին:

Ռազմական ոստիկանությունում նրա նկատմամբ բռնությունների կիրառման հայտարարության հիման վրա կատարվել է ծառայողական քննություն, որով չի հաստատվել բռնությունների կատարումը: Իգնատ Ենգիբարյանի մարմնին որևէ վնասվածք առկա չի եղել, բռնության որևէ կոնկրետ գործողություն չի նշվել նրա կողմից:

Կատարված փորձաքննություններով հաստատվել է, որ կրակոցն արձակվել է ոչ թե տուժողի, այլ Իգնատ Ենգիբարյանի ինքնաձիգից: Նրա մարմնին ու հագուստին հայտնաբերվել են կրակոցի արգասիքներ: 

Վկաները ցուցմունքներ են տվել, որ կրակոցից անմիջապես հետո տեսել են Ենգիբարյանին, որը լաց էր լինում և ասում, թե ինքն է կրակել ու սպանել Ադիբեկյանին: Հերքվել է նաև հակառակորդի կրակոցից տուժողի սպանվելու վարկածը. այդ օրը տեսանելիությունը եղել է շատ վատ:

Դատաբժշկական ոչ լիարժեք փորձաքննության վերաբերյալ պաշտպանի հայտնած տեսակետը մեղադրողը հերքեց՝ հիմնավորումներ բերելով տեսական գրականությունից:

Տուժողի իրավահաջորդը՝ Ալբերտի եղբայր Վարդան Ադիբեկյանը նույնպես առարկեց պաշտպանի բողոքի դեմ: Նա հայտնեց, թե ըստ գործի նյութերի ու իր ներքին համոզմամբ՝ սպանությունը կատարել է հենց Իգնատ Ենգիբարյանը: 

Տուժողի իրավահաջորդն ասաց, թե չի բացառում, որ Ենգիբարյանի նկատմամբ եղբայրը վատ վերաբերմունք ցուցաբերած լինի: Վարդան Ադիբեկյանը խնդրեց, որ ընդհանուր իրավասության դատարանի դատավճիռը թողնվի անփոփոխ:

Մինչ վերաքննիչ դատարանի կազմը խորհրդակցական սենյակում էր, տուժողի մայրը ևս մեկ անգամ մայրական հարց ուղղեց դահլիճում գտնվող ամբաստանյալին. «Ճիշտն ասա, դու չե՞ս կրակել»: Ամբաստանյալը հոնքերի տակից նայեց սպանված զինվորի ողբացող մորն ու ասաց. «Ես ոչ մի կապ չունեմ, ես չեմ կրակել»: «Իսկ ո՞վ է կրակել»: «Ես տեղյակ չեմ»,- պատասխանեց ամբաստանյալը: «Նայիր աչքերիս»,- խնդրեց որդեկորույս մայրը: Նա չանիծեց կոնկրետ Ենգիբարյանին: Ծանր անեծք հնչեցրեց իր որդուն սպանողի հասցեին: «Իմ տղայի ամեն մի բջիջը գանձ էր»,- ասաց մայրը: Նա մեղադրող խոսքեր ասաց սպաների վերաբերյալ, որոնց անտարբերության պատճառով էին զինծառայողների լարված փոխհարաբերությունները նման հանգուցալուծում ստացել:

Վերաքննիչ քրեական դատարանը պաշտպանի բողոքը անհիմն գնահատելով՝ մերժեց: Ընդհանուր իրավասության դատարանի դատավճիռը և սահմանված պատիժը՝ 10 տարի ազատազրկումը, թողնվեցին անփոփոխ: 

Իգնատ Ենգիբարյանի ընտրած պաշտպանական տակտիկան իրեն չարդարացրեց ո՛չ իրավական, ո՛չ բարոյական տեսակետից: Այդ տակտիկան համահունչ էր հնչեցված կրակոցին՝ անձայն լիցքավորում ու թաքուն կրակոց՝ հետևից:

1in.am
Просмотров: 552 | Добавил: Stepan | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ
Copyright MyCorp © 2024