ԱՄՆ-ի նախագահ Բարաք Օբաման հազիվ է խուսափել ընտանեկան վեճից` Այովա նահանգում ընտրողների հետ հանդիպման ժամանակ հայտարարելով, որ «իր շուն Բոն ավելի խարիզմատիկ է, քան իր զոքանչը», գրում է Daily Mail-ը:

«Եթե ըստ խարիզմայի դատենք իմ ընտանիքի անդամներին, ապա կինս` Միշելը, զբաղեցնում է առաջին տեղը, նրան հաջորդում են դստրերս, այնուհետև մեր սիրելի շունը` Բոն, որից հետո գալիս է չոքանչս և վերջում ես»,- ասել է Օբաման:

Սակայն հավաքվածների արձագանքից անմիջապես հասկանալով իր «սխալը»` նախագահը շտկել է իր հայտարարությունը.«Ոչ իրականում չոքանչս` Մերիան Ռոբինսոնը, շնիցս ավելի հմայիչ է»:

Ռոբինսոնն Օբամայի նախագահ դառնալուց ի վեր ապրում է Սպիտակ Տանը և 2008թ.-ից զբաղեցնում է Միացյալ Նահանգների Առաջին «Տատիկի» պաշտոնը, որին իրեն է նշանակել փեսան: