Նախարարի աթոռը, թեև ցանկալի է ու հաճելի, այդուամենայնիվ կան մի շարք չափանիշներ, որոնք, բնականաբար, հաշվի են առնվում նախարար նշանակելու ժամանակ: Առաջին հերթին կրթությունն է: Իսկ ի՞նչ կրթություն են ստացել ՀՀ նախարարները, արդյո՞ք այն մասնագիտական է: Ներկայացնում ենք ՀՀ նախարարների կրթությունը:

Արմեն Գևորգյանը 1990 թ. ընդունվել է Օրենբուրգի պետական մանկավարժական ինստիտուտի պատմության ֆակուլտետ,1991 թ. տեղափոխվել և 1993թ. գերազանցությամբ ավարտել է Սանկտ Պետերբուրգի պետական ծառայության ինստիտուտը, 1993-1996 թթ. եղել է Սանկտ-Պետերբուրգի Գերցենի անվան ռուսաստանյան մանկավարժական համալսարանի ասպիրանտ, որն ավարտելիս պաշտպանել է գիտությունների թեկնածուի ատենախոսություն, 1995-1996 թթ. համատեղությամբ ավարտել է նաև Տվենտեի (Նիդերլանդներ) համալսարանի մագիստրատուրան «Կրթության և վերապատրաստման համակարգերի ծրագրավորում» մասնագիտությամբ։

Արտեմ Ասատրյանը 1989-1994 թթ.-ին սովորել է Երևանի ժողովրդական տնտեսության ինստիտուտի էկոնոմիկայի պետական կարգավորում ֆակուլտետ, 1995 -1997 թթ. - ՀՀ կառավարման դպրոց (երկարատև ուսուցում, 1-ին թողարկում), «Պետական կառավարում և տեղական ինքնակառավարում» դասընթաց, պետական ծառայողի որակավորում
2000 թ.-ին ընդունվել է ՀՀ կառավարման դպրոցի ասպիրանտուրա, տնտեսագիտության թեկնածու է:

Դերենիկ Դումանյանը 1972-1978 թթ. ընդունվել է Երևանի պետական բժշկական ինստիտուտ, բուժական ֆակուլտետ, 1978-1979 թթ. սովորել է Երևանի «Մալաթիա-Սեբասիտա» կլինիկա և ք. Հոկտեմբերյան, շրջանային կենտրոնական հիվանդանոց՝ ինտերնատուրա, 1982-1987 թթ.- Մոսկվայի Հերցենի անվան օնկոլոգիական գիտահետազոտական ինստիտուտ, ասպիրանտուրայի հայցորդ, բժշկական գիտությունների դոկտոր, պրոֆեսոր:

Հրայր Թովմասյանը 1990-1995 թթ. սովորել է «Գլաձոր» կառավարման համալսարանի Միջազգային իրավունքի ֆակուլտետում և ստացել իրավաբանի որակավորում։ 1996-1998 թթ. սովորել է ՀՀ Գիտությունների ազգային ակադեմիայի Փիլիսոփայության և իրավունքի ինստիտուտի պետաիրավական հետազոտությունների բաժնում, որտեղ և պատրաստել է թեկնածուական ատենախոսություն: 2000 թվականին Երևանի պետական համալսարանի իրավաբանական գիտությունների գիտական աստիճաններ շնորհող խորհրդում պաշտպանել է թեկնածուական ատենախոսություն «Հայաստանի Հանրապետության քաղաքացիների ընտրական իրավունքի իրականացման հիմնահարցերը» թեմայով` ստանալով իրավաբանական գիտությունների թեկնածուի գիտական աստիճան։

Արմեն Երիցյանը 1978 թ. սովորել է Երևանի թիվ 12 միջնակարգ դպրոցում, 1984-1986 թթ. - ԽՍՀՄ ՆԳՆ Կալինինգրադի միլիցիայի միջնակարգ մասնագիտացված դպրոց, 1987-1990 թթ.-ին՝ ԽՍՀՄ ՆԳՆ Վոլգոգրադի բարձրագույն քննչական դպրոց:

Էդվարդ Նալբանդյանը 1973 -1978 թթ. սովորել էՄոսկվայի միջազգային հարաբերությունների պետական ինստիտուտ, 1986 -1988 թթ.-ին՝ ԽՍՀՄ գիտությունների ակադեմիայի արևելագիտության ինստիտուտի ասպիրանտուրա` մասնագիտացումը` միջազգային հարաբերություններ, քաղաքական գիտությունների թեկնածուի գիտական աստիճան:

Արամ Հարությունյանը 1985-1992 թթ. ուսանել է Երևանի Ճարտարապետաշինարարական ինստիտուտում:

Սերգո Կարապետյանը 1979-1984 թթ. ուսանել է Հայկական գյուղատնտեսական ինստիտուտում:

Վահրամ Ավանեսյանը 1978-1983 թթ. ուսանել է Երևանի ժողովրդական տնտեսության ինստիտուտ, տնտեսագիտական կիբեռնետիկայի ֆակուլտետ, տնտեսագետ-մաթեմատիկոսի որակավորում,1983-1986 թթ.-ին՝ Երևանի ժողովրդական տնտեսության ինստիտուտի ասպիրանտուրայում:

Արմեն Մովսիսյանը 1978-1983 թթ.-ին ուսանել է Երևանի Կ.Մարքսի անվ. պոլիտեխնիկական ինստիտուտում, մասնագիտությունը` մեքենաշինության տեխնոլոգիա, մետաղահատ հաստոցներ և գործիքներ, ապա 1984-1989 թթ-ին՝ Մոսկվայի Համամիութենական թեթև արդյունաբերության ինստիտուտում, մասնագիտությունը` բնական և քիմիական մանրաթելերի մանում: Արմեն Մովսիսյանը Տնտեսագիտական գիտությունների թեկնածու է:

Արմեն Աշոտյանը 1992-1998 թթ. ուսանել է Մ. Հերացու անվան պետական բժշկական համալսարանի բուժական ֆակուլտետում` «Բուժական գործ» մասնագիտությամբ, 1998-2000 թթ.ին՝ Մ. Հերացու անվան պետական բժշկական համալսարանի կլինիկական օրդինատուրայում` «Դատական բժշկություն» մասնագիտությամբ, 2005 թ. - ԵԽ-ին առընթեր Մոսկվայի քաղաքական հետազոտությունների դպրոցում, 2007 թ. -ին Մոսկվայի միջազգային հարաբերությունների պետական ինստիտուտի «Գլոբալ գործընթացների կառավարում» մասնագիտությամբ վերապատրաստման դասընթացներում:

Հասմիկ Պողոսյանը 1977-1982 թթ.ին սովորել է Երևանի պետական համալսարանի կենսաբանության ֆակուլտետ, կենսաբան-մանկավարժի մասնագիտական որակավորում, իսկ 1982-1985 թթ.-ին՝ ԵՊՀ ասպիրանտուրա:

Սեյրան Օհանյանը ավարտել է Բաքվի բարձրագույն զինվորական համազորային հրամանատարական ուսումնարանը:

Յուրի Վարդանյանը 1974-1980 թթ.-ին սովորել է Լենինականի Մ. Նալբանդյանի անվան պետական մանկավարժական ինստիտուտը, ֆիզիկական դաստիարակության ֆակուլտետը, ստացել է ֆիզիկական կուլտուրայի ուսուցչի որակավորում, 1984-1987 թթ.-ին՝ Երևանի Ժողովրդական տնտեսության ինստիտուտ, «Ժողովրդական տնտեսության պլանավորում» ֆակուլտետ, ստացել է տնտեսագետի որակավորում:

Հրանուշ Հակոբյանը 1970 թ. ոսկե մեդալով ավարտել է Գավառի թիվ 1 դպրոցը, ապա 1975 թ. ավարտել է Երևանի պետական համալսարանի կիրառական մաթեմատիկայի ֆակուլտետը, 1989 թ. գերազանցությամբ ավարտել է Մոսկվայի հասարակական գիտությունների ակադեմիան, 1994 թ. գերազանցությամբ ավարտել է Երևանի պետական համալսարանի իրավաբանական ֆակուլտետը: Իրավաբանական գիտությունների դոկտոր-պրոֆեսոր է:

Գագիկ Բեգլարյանը 1978-1981 թթ. սովորել է Երևանի պետական համալսարանին կից ֆիզիկամաթեմատիկական դպրոցում, 1981-1985 թթ.-ին՝ Երևանի ժողովրդական տնտեսության ինստիտուտում, ստացել է տնտեսագետի որակավորում:

Սամվել Թադևոսյանը 1978-1984 թթ. սովորել է Երևանի անասնաբուժական և անասնաբուծական ինստիտուտի՝ զոոինժեներական ֆակուլտետում, 1986-1988 թթ. սովորել է Երևանի անասնաբուժական և անասնաբուծական ինստիտուտի տնտեսագիտության ֆակուլտետում, 1986-1988 թթ. ուսանել է ՀՀ ագրարային համալսարանի ֆինանսներ և վարկ ֆակուլտետը հայցորդ է:

Դավիթ Սարգսյանը 1994-1999 թթ. սովորել է Երևանի պետական տնտեսագիտական ինստիտուտում, մասնագիտացումը` տնտեսագետ: Ապա 1999-2002 թթ.-ին՝ Երևանի պետական տնտեսագիտական ինստիտուտում, ասպիրանտուրա, տնտեսագիտության թեկնածու է: