«Դա» հենց նոր տեղի ունեցավ: Դուք երջանիկ պառկած եք իրար կողքի ու հանկարծ «անհարմար լռություն է» վրա հասնում: Հարց' ի՞նչ անել, ինչի՞ մասին զրուցել և պե՞տք է արդյոք զրուցել առհասարակ:

Հայտնի է, որ սեքսից հետո մեր օրգանիզմում մեծանում է սերոտոնինի քանակությունը, որը կանանց ու տղամարդկանց վրա տարբեր ազդեցություններ է ունենում: Կանայք լցվում են էմոցիաներով, ուզում են խոսել, կիսել զգացմունքները, սիրով ու հոգատարությամբ շրջապատել սիրելիին, իսկ տղամարդիկ հոգնածություն են զգում. նրանց ուղղակի անհրաժեշտ է քնել:

Հարցի պատասխանն ստանալու համար դիմենք սիրո ամենահին գրքին: Կամասուտրայում հստակ ասվում է՝ «սիրով զբաղվելուց հետո կինը պետք է իր տղամարդու համար հարազատ մորը փոխարինի, հոգ տանի նրա մասին, տղամարդն էլ պարտավոր է գոնե երբեմն ուժ գտնել և ուշադիր լսել նրան»: Ասել է թե, պետք է բաշխել «զիջումները»: Մի անգամ սեքսից հետո թույլ տվեք, որ նա հանգիստ քնի, իսկ հաջորդ անգամ թույլ տվեք իրեն դառնալ զիջող կողմ ու լսել Ձեզ:

Ինչի՞ց կարելի է խոսել: Զրույցը ավելի հեշտ կլինի սկսել, եթե սեքսի ընթացքում լռություն չտիրի: Պարտադիր չէ, որ պրոցեսի ընթացքում զրույց լինի, բայց կարող են լինել ձայներ, հնչյուններ, ռեպլիկներ, որ կլցնեն լռությունը: Սեքսից հետո խոսակցության լավագույն թեման, իհարկե, կոմպլիմետներն են:

Վստահ եղեք' նա ևս Ձեզ նման զգում է կարիք լսելու, որ ինքն անկողնում աննման է: Բայց սա վերաբերում է ոչ բոլոր տղամարդկանց: Եթե Ձեր զուգընկերը ցինիկ է, պետք չէ փորձել տեղափոխել նրան ռոմանտիկայի ոլորտ ու կոմպլիմենտներ շռայլել, դա նրան դուր չի գա, խոսեք կարճ և տեղին: Եթե ընկերը ռոմանտիկ է, նրան հաստատ դուր կգա, եթե դուք գլուխը դնեք իր ուսին ու սկսեք հյուսել ապագայի վառ երազները, կոմպլիմենտներ շռայլեք ու ասեք, թե ինչ երկար եք հենց իրեն փնտրել: Եթե Ձեր տղամարդը կոմպլեքսավորված է կամ չունի սեքսուալ մեծ փորձ, խրախուսեք նրան, ասեք, որ ամեն ինչ լավ էր:

Եթե տղամարդը «արմատական» չամուսնացող է, խուսափեք սեքսից հետո նրա հետ ընտանիքի, ապագայի, ամուսնության մասին խոսելուց, կոմպլիմենտներ անելիս էլ մի օգտագործեք «իմ» դերանունը, նա դա կընկալի որպես ներխուժում սեփական տարածք:

Մի խոսքով սեքսից հետո ցանկալի է խոսել հետևյալ նյութերի շուրջ.

1. Հոբբիներ, սիրելի զբաղմունքներ, ճամփորդություններ:

2. Ընդհանուր կատակներ, հումորներ, ժեստեր, որ ծանոթ են միայն Ձեզ երկուսիդ ու, որպես կանոն, ծիծաղ են առաջացնում:

3. Կոմպլիմենտներ, խրախուսանքներ, խոսքեր, որ կբարձրացնեն նրա ինքնագնահատականը:

Սեքսից հետո լավ կանեք' շրջանցեք հետևյալ թեմաներն ու խուսափեք դրանցից.

1. Ձեր նախկինների մասին պատմություններ: Հարցեր նրա նախկին զուգընկերուհիների մասին:
2. Խնդրանքներ գնել Ձեզ համար ինչ-որ բան /դա կդիտարկվի որպես շահադիտական սեռական ակտ/:
3. Լուրջ կենցաղային պրոբլեմներ:
4. Աշխատանքային խնդիրների մասին հիշեցումներ:
5. Վատ արտահայտություններ նրա ընկերների, սիրելի գործի կամ զբաղմունքի մասին:

ladynews.am