1. Միայն բացառիկ անձն է ունակ գիտակցաբար ինքն իր համար խնդիրներ ստեղծելու: Ըստ տղամարդկանց' գեղեցիկ կինը պահանջում է հատուկ մոտեցում: Տղամարդը բնությամբ ծույլ է. ոչ թե ավանդական իմաստով, իսկ հոգեբանական առումով: Նա կարող է բառացիորեն «այրվել» աշխատանքի վայրում, ամբողջ ազատ ժամանակը նվիրվել տան վերանորոգմանը, սակայն գեղեցիկ կնոջն իր կողքին պահելու համար նա չի ցանկանա ժամանակը վատնել: Հենց այդ պատճառով էլ վախենում է: Վախենում է սիրել, հետո էլ վախենում է կորցնել: Նրան ավելի հարմար է կողքին սովորական մի կին ունենալ:

2. Տղամարդիկ վախենում են մերժվել և ի սկզբանե նայում են գեղեցիկ կնոջն ինչպես ուրիշինը, նրան նախապես համարելով անհասանելի: Եվ իրոք, մի՞թե հնարավոր է, որ «գլուխգործոցն» անտեր լինի: Թանգարանում գեղանկարները նայելիս շատ քչերի մտքով է անցնում դրանց սեփականատերը դառնալ: Նույնը տեղի է ունենում գեղեցիկ կնոջ դեպքում. նրանով հիանում են, սակայն տիրանալ հանդգնում են միայն ամենահամարձակները:

3. Քանի որ արդեն ունեցել են գեղեցիկ կնոջ հետ շփման տխուր մի փորձ և դրանից կարծրատիպ են ստեղծել իրենց համար. գեղեցիկ կինը շփացած և քմահաճ է: Տղամարդը վախենում է անկարող լինել նրա բոլոր պահանջները ապահովելու գործում: Նա կարծում է, որ, ինչպես լավ կտավներն են ճոխ շրջանակ պահանջում, այնպես էլ գեղեցիկ կինը պետք է շրջապատված լինի միայն թանկարժեք իրերով: Դժվար է վիճել, բայց … Պետք է ասել, որ ՑԱՆԿԱՑԱԾ կին, նույնիսկ չլինելով գեղեցիկ, չէր հրաժարվի լավ կոսմետիկայից, թանկարժեք հագուստից և ռեստորաններ, գեղեցկության շքեղ սրահներ և հայտնի հանգստավայրեր պարբերաբար այցելելու հնարավորությունից:

4. Համարվում է, որ գեղեցիկ կինը չի կարող «անցյալ» չունենա: Տղամարդը չի ցանկանում այդ ցուցակում լինել 151-րդը: Նա ուզում է հավատալ, որ ինքն առաջինն է: Գեղեցիկ կինը, սակայն, չի թողնում այդ հնարավորությունը: Նույնիսկ երևակայությունից ամբողջությամբ զուրկ տղամարդը միանգամից պատկերացնում է նրա նախկին երկրպագուների բանակը և անհնարին է նրան համոզել, թե դա այդպես չէ: Տղամարդը խանդում է նրան թե՛ անցյալի, և թե՛ ապագայի համար: Նման իրավիճակն անհնարին է հարմարավետ համարել, իսկ կյանքի զուգընկերուհին, տղամարդու պատկերացմամբ, միայն «հարմարավետ» բառի հետ է զուգորդվում:

Կան, իհարկե, բացառություններ...

operativ.am