Վերնագրում կարդացածդ հարցը միայն քեզ չի, որ հետաքրքրում է: Ասածիս ճշմարտացիությունը պարզելու համար թերևս բավարար կլինի, որ նայես, թե այս նյութը որքան դիտում և որքան like ունի: Չէ, լայքային հիվանդությամբ չեմ տառապում, պարզապես ուզում եմ օգնել քեզ: Այս հոդվածում հավաքել եմ մոտիվացնող և աշխարհի լավագույն 10 ինքնակատարելագործող գրքերի կարևորագույն խորհուրդները, որոնք կներկայացնեմ քեզ սեղմ տարբերակով: Պատրաստվիր, որ կարդաս այն, ինչը գուցե և առաջիկա շաբաթների կամ ամիսների քո մշտական ուղեցույցը դառնա:

Եվ այսպես, ինչպե՞ս անել, որ քեզ սիրեն ու ինչպե՞ս կարելի է առաջնորդել շրջապատիդ: Այս՝ առաջին հայացքից բարդ լուծում ունեցող հարցի դեղատոմսը մի քանի մասերից է բաղկացած, որոնք պատվով իրականացնելու դեպքում վստահ եղիր, որ հասնելու ես նպատակիդ:

6 եղանակ դրդելու մարդկանց, որ սիրեն քեզ

1. Անկեղծորեն հետաքրքրիր այլ մարդկանց կյանքով:
2. Ժպտա:
3. Իմացիր, որ տվյալ մարդու անունը նրա համար ամենագեղեցիկ բառն է ամբողջ աշխարհում:
4. Լավ ունկնդիր եղիր: Այնպես արա, որ մարդիկ հաճույքով պատմեն քեզ իրենց մասին:
5. Խոսիր այն թեմաներից, որոնք հետաքրքրում են դիմացինիդ:
6. Այնպես արա, որ դիմացինդ իրեն կարևոր զգա և արա դա անկեղծորեն:

Մարդկանց ղեկավարելու հիմնական եղանակները

1. Մի քննադատիր, արգելիր կամ բողոքիր:
2. Դրսևորիր անկեղծ և մաքուր երախտագիտություն:
3. Խթանիր դիմացինիդ մոտ հետաքրքրվածություն:

Եղիր առաջնորդ: Ինչպես ղեկավարել և փոխել մարդկանց քո ուզածի պես՝ առանց նրանց մոտ դժգոհություն առաջացնելու

1. Սկսիր գովասանքից ու երախտագիտություն հայտնելուց:
2. Ուղղակի կերպով մի ասա մարդուն իր սխալների մասին, արա դա մեղմ և իմացիր, որ ասելուդ ձևից է կախված նա կհակառակվի քեզ, թե այնպես կանի, որ էլ երբեք այդ հարցում չսխալվի:
3. Խոսիր քո սխալների մասին մինչև այլ մարդկանց սխալները մատնանշելը:
4. Հարցերով ուղղորդիր մարդկանց ուղղակի հրամաններ արձակելու փոխարեն:
5. Գովիր նույնիսկ ամենաչնչին բարելավումը: Մեղմ եղիր մարդկանց պատժելիս և առատաձեռն եղիր գովասանքում:
6. Ստեղծիր դիմացինիդ մոտ այնպիսի համբավ, որ նա ձգտի քեզ նմանվել:
7. Այնպես արա, որ դիմացինդ ոգևորվի, երբ իրեն ինչ-որ բան կհանձնարարես:

Ինչպե՞ս անել, որ մարդիկ քեզ պես մտածեն

1. Միշտ հարգիր դիմացինիդ կարծիքը, երբեք մի ասա, որ նա սխալ է:
2. Երբ գիտակցում ես, որ սխալ ես, անմիջապես ընդունիր դա և ներողություն խնդրիր:
3. Շփվիր ընկերական տոնով:
4. Այնպես արա, որ մարդ հաճույք զգա քեզ հետ շփվելիս:
5. Փորձիր խնդիրները դիտարկել դիմացինիդ պրիզմայից և ավելի հեշտ կհանգեք կոնսենսուսի:
6. Դրամատիզացրու քո գաղափարները:
7. Անվախ եղիր մարտահրավերներ նետելիս: