Օրերս համացանցում տեղեկություն էր տարածվել, թե հայտնի երգիչ ու դերասան Միհրան Ծառուկյանն անակնկալի է եկել` իմանալով, որ իր ընկերուհիներից մեկը երեխայի է սպասում, ու եթե Միհրանը չհամաձայնի ընդունել, բարձրաձայնելու է այդ մասին: Ավելին, լուրեր էին պտտվում, թե երգիչն անտրամադիր մեկնել է Հայաստանից:

Միհրան Ծառուկյանի պրոդյուսեր Ալեքսանդր Ստեփանյանը ՄԱՄՈՒԼ.amլրատվականի թղթակցի հետ զրույցում ասաց, որ իրենք ևս կարդացել են այդ մասին, ավելին, երբ Միհրանը լսել է, մի լավ ծիծաղել է: ''Նախ ասեմ, որ Միհրանը Հայաստանում է, գարնանն էր ԱՄՆ գնացել համերգային ծրագրով: Դե նման ասեկոսեները վաղուց արդեն չեն զարմացնում նրան. Միհրանին մեկ ամուսնացնում են ինչ-որ հարուստի աղջկա հետ, մեկ բաժանում ու այդպես շարունակ, իսկ այս վերջինը` երեխայի լուրը, շատ ծիծաղելի էր...: Կամ, եթե նույնիսկ երեխա սպասեր, ինչո՞ւ պիտի գնար երկրից'',- ասաց պրոդյուսերը:

mamul.am