Արդեն մի քանի տասնամյակ կանացի կազմվածքի կատարյալ չափանիշ է համարվում 90-60-90 համամասնությունը: Այդ պատճառով շատ կանայք, ում կազմվածքը հեռու է կատարյալ լինելուց, ձգտում են ազատվել ատելի կիլոգրամներից: Սակայն կան նաեւ գեղեցիկ սեռի ներկայացուցիչներ, ովքեր տառապում են հակառակ խնդրից. նրանց համամասնությունները չեն հասնում ցանկալիին: Երրորդ խմբին են պատկանում նրանք, ովքեր, հակառակը, փարթամ կազմվածքն ավելի գրավիչ են համարում: Շատ աղջիկներ, ովքեր ցանկանում են քաշ հավաքել, սխալմամբ կարծում են, որ չափից ավելի ուտելը կնպաստի «ճիշտ» հատվածներում կիլոգրամներ ավելացնելուն: NEWS.am STYLE-ը որոշեց ամենօրյա սննդակարգի վերաբերյալ մի քանի խորհուրդ տալ նրանց, ովքեր ցանկանում են մի փոքր գիրանալ:

1. Կանոնավոր կերպով նախաճաշեք, ճաշեք եւ ընթրեք:

2. Ավելի շատ ըմպելիքներ խմեք, որոնցում կալորիաներ կան, օրինակ՝ մրգային (բանանի) եւ բանջարեղենային հյութեր:

3. Ձեր ճաշացանկում պետք է լինի սնունդ, որը շատ օսլա եւ պրոտեին է պարունակում. կարտոֆիլ, բրինձ, մակարոնեղեն, ձավարեղեն, սպիտակ հաց, հավ, ձուկ, ձու, պանիր:

4. Չմոռանաք քաղցր մրգերից, սերուցքից եւ պաղպաղակից պատրաստված կոկտեյլների մասին:

NEWS.am STYLE