Տնտեսագետները պարզել են, թե ինչպես են ազդում կրթվածությունը, գեղեցկությունը եւ եկամուտը զուգընկեր ընտրելու գործում։ Արդյունքները հրապարակվել են գիտական հոդվածում, որի հեղինակները ենթադրում են, որ այնպիսի հատկություններ, ինչպիսին են բարեկեցությունը, գեղեցկությունը կամ խելքը, զուգընկեր ընտրելիս մասամբ կարող են փոխհատուցել միմյանց։ Հեղինակների վարկածը հետեւյալն է. մարդիկ իրենց հավանական զուգընկերոջը գնահատում են բնութագրիչներից (գեղեցկություն, խելք, հարստություն) յուրաքանչյուրին որոշակի կշիռ վերագրելով, իսկ հետո համեմատում են դրանք։

Հետազոտողներն օգտագործել են ամերիկյան Panel Study of Income Dynamics ներկայացուցչական հարցումը, որին 8 տարվա ընթացքում՝ 1999-ից մինչեւ 2007-ը, մասնակցել են միեւնույն մարդիկ. դրա առանձնահատկությունն այն է, որ հարցերի պատասխաններին զուգահեռ դրանում ներառված են նաեւ տնային տնտեսության անդամների հասակն ու քաշը։

Ըստ http://www.vestifinance.ru -ի, հետազոտությունը ցույց է տվել. կնոջ եւ ամուսնու գիրությունը կապված են։ Գեր կանայք գեր ամուսին ունեն, եւ հակառակը՝ նիհարները՝ նիհար։ Դրանից բացի, կապ կա կնոջ եւ ամուսնու կրթության միջեւ, այսինքն՝ ամուսիններն իրենց կեսերի գիտական ձեռքբերումների առնվազն կեսի տերն են։ Հետաքրքրական է, որ բոլոր կանայք բացասական կախվածություն ունեն ինչպես ամուսնու եկամտից, այնպես էլ նրա կրթությունից։ Այսինքն, մնացած հավասար պայմանների դեպքում գեր կանանց հետ հակված են ամուսնանալ ավելի քիչ կրթված կամ ավելի քիչ եկամուտ ունեցող տղամարդիկ։ Հեղինակները նաեւ գնահատել են, թե ինչպես կարելի է փոխել կնոջ գիրության ու կրթության չափը, որպեսզի ամուսնու գնահատականը չփոխվի։ Պարզվել է, որ կրթության լրացուցիչ 1 տարին թույլ է տալիս «փոխհատուցել» մոտ 1 կգ։