Ծովում հանգստանալ պատրաստվողներին բժիշկները նախազգուշացնում են` սառը ջրի մեջ խորասուզվելը վտանգավոր է, անգամ կարող սրտի կանգ առաջացնել: Հարկավոր է օրգանիզմն աստիճանաբար ադապտացնել դրան: Այսօր լրագրողների հետ հանդիպմանն այս մասին ասել է Սրտաբանության գիտահետազոտական ինստիտուտի սրտային անբավարարության բաժանմունքի գիտական ղեկավար Լիանա Թումասյանը:

Մասնագետի խոսքով, հանգստացողները եւ հատկապես սրտային հիվանդները արեւի ակտիվ ճառագայթներից պետք է խուսափեն: Դա կարող է նաեւ մաշկի քաղցկեղի առաջացման պատճառ դառնա: Ճիշտ հանգիստ կազմակերպելու համար խորհուրդ է տրվում շատ քայլել, շատ ֆիզիկական ակտիվություն: Ի դեպ, առավոտյան ժամերին վազել մասնագետի խոսքով, չի կարելի, որովհետեւ առավոտյան ժամերին մարդն արթնացած է, բայց նրա օրգանիզմը դեռ չի արթնացել:

Լիանա Թումասյանը նաեւ խորհուրդ է տալիս ամռան ամիսներին ուտել շուտ-շուտ եւ քիչ քիչ: Սննդի մեջ պետք է գերակշռեն միրգն ու բանջարեղենը: Խորհուրդ է տրվում օգտագործել օրեկան մինչեւ չորս հարյուր գրամ չեփած միրգ- բանջարեղեն, խուսափել յուղոտ մսից : Օգտակար է սեւ շոկոլադը: Առողջության վրա, բժշկի խոսքով, դրական ազդեցություն է թողնում նաեւ ալկոհոլը` չափի մեջ: Մեկ գավաթ կարմիր գինին, հիսուն գրամ օղին եւ երեք հարյուր հիսուն գրամ գարեջուրը չեն վնասի սիրտ-անոթային համակարգին:

Ֆիզիկական հանգստից բացի, առավել կարեւոր է նաեւ հոգեկան հանգստությունը, որն ինքնին բերում է նաեւ ֆիզիկական հանգստության: Հոգեպես հանգստանալու լավագույն միջոցը հոգեբան Սամվել Խուդոյանի խոսքով, ռելաքսն է: Հոգեբանի խոսքով, հոգեկան գերլարվածությունը, ասթենիկ սինդրոմը կարելի է բուժել ավտոթրեյնինգի միջոցով:

Հոգեբանը ռելաքսի հասնելու համար խորհուրդ է տալիս.”Աչքերը կենտրոնացնել մի կետի վրա, մինչեւ հոգնեն եւ իրենք իրենց փակվեն: Շնչառական վարժություններ կատարել` րեպե ու կես խորը շնչել եւ արտաշնչել, ինչը կթուլացնի մկանները: Երեւակայել, որ ձեռքի ափի մեջ ճանճ է աշխատում, հենց այդ քորի զգացողությունն զգաք, դուք կարող եք պատկերացել հագիստ` սիրտս աշխատում է նորմալ եւ այլն”: Մասնագետի խոսքով, օրվա մեջ տասնհինգ րոպեն բավարար է ռելաքսի համար:.

henaran.am