Հետաքրքիր Փաստեր Չորեքշաբթի, 16.10.2019, 08:59
Приветствую Вас Гость | RSS
Меню сайта

Հետաքրքիր Փաստեր

ՎԱՆԱՁՈՐԸ Սովետական Միության ժամանակ Video

Դեռահաս աղջկա մարմին` Էրեբունիում

[Անիմացիա]
Սեղմիր Класс

Անժելայի “տղամարդու” վկաները վախեցա՞ծ են. նոր մանրամասներ Կարեն Արայանի գործում

Գլենդելի քաղաքապետարանում աշխատող բարձրաստիճան պաշտոնյա հայերի թիվն աճել է 83 տոկոսով

[Անիմացիա]
Жми КЛАСС

Միշոն ու ՀՏ Հայկոն հաշտվել են

Բեյոնսեն, Քիմ Քարդաշյանը, Մրայա Քերին, Ջեյ Զին, Քանյա Ուեսթը եւ մյուսները` “BET Awards 2012”-ին

Սեքսուալությունն աճում է տարիքին զուգահեռ

[Անիմացիա]
Սեղմիր Класс

Ինյեստայի և Աննա Օրտիսի հարսանիքը (ֆոտո)

Նիկոտինի դեմ գեների միջոցով պայքարող գիտնականները ցանկանում են պայքարել ծխելու վտանգների դեմ

Ամենաազդեցիկ հայտնի մարդիկ. Լոպեսն առաջինն է, Քարդաշյանը` 7-րդը

[Անիմացիա]
Սեղմիր Класс

Ինչպիսի՞ համբույրներ են դուր գալիս տղամարդկանց

Մայրական կաթը մանկանը պաշտպանում է ՄԻԱՎ-ից

Երեւան Վանաձոր ավտոճանապարհին ավտոբուս է շրջվել. 10-նյակ վիրավորների մեջ երեխաներ կան

Մարկ Սաղաթելյանը Facebook-ով իր շնորհակալությունն է հայտնել ընտանիքին և ընկերներին

Երեխաներին սպանած մայրը ձեւացրել է, թե ինքնասպանության փորձ է կատարել

Поиск

Главная » 2013 » Апрель » 8 » Ինչպես լրջացնել հարաբերությունները
08:21
Ինչպես լրջացնել հարաբերությունները

Հարաբերությունների սկզբնական շրջանում գործում է փոխադարձ համակրանքը: Իսկ ի՞նչ անել, որ զուգընկերդ քեզանով խելքահան եղած մնա տարիներ շարունակ: Դժվար է միանշանակ ասել: Զրուցել ենք սիրո հարցում փորձագետների, ինչպես նաև՝ «իսկական տղամարդկանց» հետ:

Բացահայտել ենք այն 6 հատկանիշները, որոնք կստիպեն ընկերոջդ քեզ լուրջ մոտենալ:

Դուք հանդիպում եք, համակրում միմյանց, որոշ ժամանակ անց հարաբերություններն ավելի են խորանում: Ամեն ինչ հիանալի է: Սակայն հիմա, երբ գտել ես մեկին, ում հետ իսկապես ամեն ինչ հարթ է, ով գերազանցում է քո բոլոր ակնկալիքները և ունի այն ամենն, ինչի համար դու պատրաստ ես գնալ մինչև վերջ, ծագում է մի մեծ հարց' ի՞նչ է անհրաժեշտ, որ նա քեզ չլքի:

«Հանդիպումների նախնական փուլում զույգը գործում է հանպատրաստից, փոխադարձ համակրանքի մղումով, բայց հարաբերություններում առաջ գնալու համար չես կարող հույսդ դրա վրա դնել,- ասում է Քերըն Շերմանը՝ «Ամուսնական հրաշք: Գտիր, պահպանիր ու տևական դարձրու այն» գրքի համահեղինակը: - Այլ գործոններ էլ պետք է առկա լինեն, որպեսզի հարաբերությունները երկար կյանք ունենան»:

Այլ կերպ ասած՝ այն հատկանիշները, որոնք տղամարդու մոտ հետաքրքրություն են առաջացնում սկզբնական շրջանում, այլևս նույն արժեքը չեն ունենում, երբ նա մտածում է ավելի հեռուն գնալու, երբեմն նույնիսկ՝ ամուսնանալու մասին: Ուրեմն ի՞նչն է կարևոր: Անկեղծ ասած, շատ դժվար է գլուխ հանել, քանի որ որևէ տղամարդ երբեք բացահայտ չի ասի, թե ինչ է քեզանից ակնկալում երջանիկ լինելու համար: Սակայն կան հատկանիշներ, որոնց համադրումը կստիպի նրան կողքիցդ հեռու չգնալ:

Երբ քնքուշ ես

Կաշվիցդ դուրս ես գալիս՝ զուգընկերոջդ սեր տալու և նրա կյանքն ավելի հեշտ դարձնելո՞ւ համար: Լավ է, սակայն հնչում է նախորդ դարի 50-ականների ոճով։ Զուր ես թերագնահատում. պարզվում է' տղամարդիկ մեր օրերում էլ քնքուշ սիրո և խնամքի կարիք են զգում:

Հարաբերությունների գծով թերապևտ Քարոլայն Բուշոնգը նշում է, որ կանայք հիմա չափից ավելի բազմազբաղ են'աշխատանք, հասարակական կյանք, հոբբիներ, անձնական կյանք: Նման պայմաններում հարաբերություններում առաջին հայացքից աննշան, սակայն իրականում մեծ դեր խաղացող նրբությունները մղվում են հետին պլան: Այդ ուշադրությունը կարող է արտահայտվել iPod-ի մեջ նրա սիրած երգի ներբեռնման կամ էլ ծանր օրվա վերջում գարեջրի մի քանի շշով ու մի լավ DVD-ով նրան այցելելու տեսքով:

Եթե նույնիսկ հոգատար ընկերուհու կերպարը քեզ համար չէ, ամեն դեպքում ճիշտ է ցույց տալ, որ միշտ նրա կողքին ես: Սա տղամարդկանց համար շատ կարևոր է, հատկապես հիմա, երբ շատ տղամարդիկ այլ բնագավառներում, օրինակ' կարիերայի հարցում, խիստ խոցելի են: Եվս մեկ կարևոր հանգամանք. «Տղամարդիկ բացառիկ զգացմունքային աջակցություն են ակնկալում իրենց զուգընկերուհուց,- բացատրում է Շերմանը: - Մինչդեռ, ի տարբերություն նրանց, կանայք սովորաբար դժվար պահերին կարողանում են աջակցություն գտնել նաև ընկերների ու ընտանիքի շրջանում»:

Երբ խաղում ես

Տղամարդկանց ձգում են ուրախ, պարզ և անմիջական կանայք: «Տղամարդկանց ուղեղը կանանց ուղեղի նման չէ կազմված,- բացատրում է Շերմանը: - Նրանք նրբությունները վերլուծելու վրա ժամանակ չեն ծախսում: Նրանց համար ամեն ինչ սև-սպիտակ է»: Այսինքն՝ կամ կրակոտ ես, ում հետ կարելի է լինել, կամ'ոչ:

Մենք խորհուրդ ենք տալիս դասվել առաջին տարբերակի կանանց կատեգորիային: Լավ ժամանակ անցկացնելու համար մշտապես կազմ-պատրաստ լինելը հոգեբանորեն կարևոր ազդակ է: Տղամարդիկ ավելի շուտ են ձանձրանում, քան կանայք: «Նրանց ուղեղն ավելի քիչ դոպամին է արտադրում: Դա նեյրոհաղորդիչ է, ինչը բավարարվածություն է առաջ բերում,- բացատրում է Շերմանը: - Դա է պատճառը, որ հրաշալի ժամանակ անցկացնելուց հետո հագեցած լինելու փոխարեն նրանք նոր ազդակներ են ակնկալում»:

Երջանիկ լինելու համար տղամարդկանց հարկավոր են նոր զգացողություններ: Սա այն է, ինչին նրանք ձգտում են հարաբերությունների խորանալուն զուգահեռ: Սկզբնական շրջանում, երբ պարզապես միասին դուրս եք գալիս ժամանակ անցկացնելու, նրանց համար դա նորույթ է և հետևաբար' հետաքրքիր: Սակայն ժամանակի ընթացքում չպետք է ձանձրալի դառնալ։ Շատ կանայք մոռանում են այդ մասին:

Տղամարդիկ խուսափում են նաև կարիերիստ կանանցից, ովքեր իրենք են կարողանում հոգալ իրենց ապրուստը: «Հրաշալի է, որ դիրք ենք ձեռք բերում, մինչդեռ դրանից բխող ազատությունը կարող է խանգարել փոխհարաբերություններին»,-ասում է Շերմանը: Հենց սա է ստիպում տղամարդկանց ձգտել այն կանանց, ովքեր ոչ միայն մատների արանքով են նայում աշխատանքին, այլև կատարելապես թուլացած են ու որևէ բանով զբաղվում են միայն դրանից հաճույք ստանալու համար:

Երբ հետևում ես արտաքինիդ

Հազար անգամ լսել ես. «Տղամարդիկ աչքերով են սիրում»: Իսկ դա միայն սկզբնական շրջանի համար չէ, որ կարևոր է: Երբ արդեն «կայացած» զույգ եք և ձեզ շատ ներդաշնակ եք զգում, նրան, այնուամենայնիվ, դուր չի գա քեզ միևնույն սպորտային հագուստով տեսնել երեք օր շարունակ:

Պատճառը, որ տղամարդիկ այդքան շատ են առաջնորդվում տեսողական ազդակներով, այն է, որ տղամարդու ուղեղի «սեքսի կենտրոնը»' այն հատվածը, որտեղ կրքոտ մտքեր են ծնվում, կնոջինից երկու անգամ ավելի մեծ է: Նրանք պարզապես չեն կարող չնայել աշխարհին «սեքսով գունավորված» իրենց ակնոցով:
Օրինակ՝ երբ տղամարդն անցնում է կնոջ կողքով, անմիջապես ֆիքսում է ամեն ինչ' մազերը, աչքերը, կառուցվածքը, մաշկը, ժպիտը, զգեստը:

«Հետո կայծակնային արագությամբ վերլուծում է բոլոր այս տվյալները' պարզելու, թե ինչ են դրանք ասում նրա սեքսուալ ունակությունների մասին,- բացատրում է Բուշոնգը: - Նա գրավի՞չ է: Իսկ իրեն գրավիչ համարո՞ւմ է: Ինչպիսի՞ն կլինի նրա հետ սեքսը»:

Հասկանո՞ւմ եք, այդ ողջ վերլուծությունը կատարվում է ինքնաբերաբար և միշտ: Նրանք բնազդաբար փնտրում են տեսողական ազդակներ, որոնք կարող են առավելագույնս բավարարել իրենց կրքոտ ցանկությունները: Եվ դա չի դադարում նաև այն ժամանակ, երբ նա երկարաժամկետ հարաբերությունների մեջ է: Նա նույնիսկ կարող է նախանձով լցվել այն տղամարդու հանդեպ, ում ընկերուհին ցածր կոշիկների փոխարեն կրունկներ է նախընտրում: Պատճա՞ռը. նա վստահ է, որ այդպիսի կինը շատ կրքոտ է:

Երբ նրան զբաղեցնում ես

Նկատե՞լ ես, որ երբ տղամարդիկ միասին են և տարված չեն խաղով, ապա պատմություններ են պատմում, ավելին' փորձում են գերազանցել միմյանց' ներկայացնելով ավելի խելահեղ, զվարճալի կամ աննախադեպ պատմություն: «Սա տղամարդու համար շատ կարևոր է»,- ասում է դոկտոր Բրայզենդայնը:

Ահա ինչու տղամարդիկ ավելի հեշտ են կապվում այն կանանց հետ, ովքեր լավ զրուցակից են: Ավելի պարզ ասած՝ ընկերուհիներիդ անձնական կյանքի մասին պատմությունները կամ անցկացրածդ աշխատանքային ծանր օրվա մասին համառոտ նկարագրությունը տղամարդկանց աշխարհում չուտվող կերակուր է։ Նա, անկասկած, անտարբեր չէ դրանց նկատմամբ, բայց նրա համար իսկական պատիժ կլինի այդ ամենը մի քանի րոպե շարունակ լսելը: Ուստի ավելի լավ է զրուցել, թեկուզ և՝ անլուրջ թեմաներով: Արիզոնայի համալսարանի վերջերս հրապարակած ուսումնասիրության համաձայն՝ այն զույգերը, ովքեր իրական հարցերի շուրջ անվերջ անմիտ զրույցներ են ունենում, ավելի երջանիկ են, քան նրանք, ովքեր քիչ են խոսում:

Երբ որոշ բաներ թողնում ես երևակայությանը

Տղամարդիկ հիմար չեն: Նրանք գիտեն, որ մազեր ես հեռացնում, բշտիկների դեմ քսուքներ օգտագործում...Նրանք պարզապես չեն ցանկանում այդ մասին խոսել: «Շատ տղամարդիկ կարծում են, որ ինտիմ մանրամասներ բացահայտելը թուլության նշան է,- բացատրում է Բուշոնգը: - Նման տեղեկությունը ոչ միայն վանում է նրան, այլև ստիպում է վերանայել քո՝ որպես ուժեղ ու սեքսուալ կնոջ մասին իր պատկերացումները»:

Բնական է, որ ցանկանում ես ընկերոջդ շատ մոտ լինել' նրա հետ լինելով կատարելապես անկեղծ, բայց խորհրդավորություն պահպանելը չափազանց կարևոր է, հատկապես այն ժամանակ, երբ հարաբերություններն ավելի են լրջանում։ Հիշիր' քեզ ավելի լավ ճանաչելու անհագ ցանկությունն է նրան առաջ մղում:

Չբացահայտված լինելու փաստը մեծացնում է սեքսուալ ցանկությունը, ու դու պետք է ժամանակի ընթացքում պահպանես դա: «Տղամարդիկ գրգռվում են ինտրիգներից.... ամենաչնչին անորոշությունը խթանում է նրա երևակայությունը,- նկատում է Բուշոնգը,- ու այդ ֆանտազիաներն են, որ շարժում են նրա հետաքրքրությունը և մեծացնում քեզ հետ ավելի մտերմանալու ցանկությունը»: Դրա համար որոշ բաներ «փակի տակ» պահիր:

Երբ կարող ես փոքր բաների վրա աչք փակել

«Տղամարդկանց համար կարևոր է, որ նրանց կողքին լինի այնպիսի կին, ով պատրաստ է հանդուրժել իր թիկունքում կատարվող որոշ փոքրիկ արարքներ»,- ասում է Ռոբ Դոբրենսկին, ով բարձր որակավորում ունեցող հոգեբան է, նաև՝ բլոգեր:

Չենք ասում, որ պետք է միշտ լռել, մանավանդ երբ համբերության բաժակը լցված է: Պարզապես պետք չէ հաշվեհարդարի անցնել, քանի դեռ վեճի պատճառն իսկապես լուրջ չէ: Հասկանո՞ւմ ես, խոստովանելը տղամարդկանց համար նույնքան հեշտ չէ, որքան կանանց համար: «Տղամարդիկ իրենց անկախությունը պահպանելու հարցում խիստ ծայրահեղ են»,- նշում է Դոբրենսկին: Այդ իսկ պատճառով ցանկացած քայլ, որով փորձում ես վերահսկել կամ իշխել նրան, վտանգի մասին զգուշացնող ազդանշանի է վերածվում:

Այս «ինքնավարությանն» ու անկախությանը տրված արժեքը կենսաբանական արմատներ ունի: Նախապատմական ժամանակաշրջանում այն տղամարդիկ, ովքեր կարողացել են միայնակ հաջող որս անել, կոչված են եղել փոխանցելու իրենց գենը:

Ու նախատիպային այդ բնազդով առաջնորդվելով՝ տղամարդիկ ավելի երկար են ցանկանում մենակ մնալ: Ըստ սոցհարցումների' տղամարդկանց համար ամուսնության միջին տարիքը 23-ից 28-ն է, մինչդեռ կանանց համար'26-ը: Սա է պատճառը, որ որքան երկար են տղամարդիկ մենակ մնում, այնքան մեծանում է նրանց' երդվյալ ամուրի դառնալու հավանականությունը: «Նրա համար դժվար է փոխել իր ապրելակերպն ու դառնալ որևէ մեկի կեսը»,- ընդգծում է Դոբրենսկին:

Այստեղ կարևորն այն է, որ ցույց տաս, որ չնայած հիմա դուք երկուսով մի «թիմում» եք, նա նախկինի պես անկախ է: «Տղամարդկանց դուր է գալիս, երբ դու սիրում և ընդունում ես իրենց այնպիսին, ինչպիսին կան, չունես նրան փոխելու որևէ մտադրություն»,- ասում է Դոբրենսկին: Գիտակցումը, որ վեճ չես սարքի, երբ սանհանգույցի կափարիչը բաց թողնի կամ ընկերների մոտ մնա մինչև գիշերվա ժամը 2-ը, ասենք՝ համակարգչային խաղ խաղալու, քեզ իրեն ավելի մոտ է դարձնում:

Հատկանիշներ, որոնց նա կարևորություն չի տալիս

Պարզվում է' կան մի շարք գործոններ, որոնք գրեթե չեն հուզում տղամարդկանց:

1. Կատարյալ անհոգ կեցվածք

Շատ տղամարդիկ այնպիսի կնոջ կարիք են զգում, ով կարող է իրենց մշտապես ներշնչել ու ոգևորել: Եթե կինը չափից ավելի «անհոգ է», ապա տղամարդը չի կարող դիմել նրան, երբ նեղության մեջ է կամ ներշնչանքի կարիք ունի:

2. Սուպերմոդելի տեսք

Տղամարդիկ շատ լավ գիտեն, որ լուսանկարներում բիկինիներով գայթակղիչ պատկերները հիմնականում համակարգչային մշակման արդյունք են։ Երբ խոսքը զուգընկերուհու մասին է, նրանք, իհարկե, նախընտրում են, որ նա սեքսուալ լինի, բայց և՝ իրական:

3. Ծայրահեղ մաքրասիրություն

Հրաշալի է, որ կինը մաքրասեր է: Բայց չափազանց բծախնդիր լինելը միայն նյարդայնացնում է տղամարդկանց, երբ հատկապես նրանք ստիպված պետք է լինեն անընդհատ հավաքել իրենց հետևից:

4. Հետաքրքրություն նրա հոբբիների նկատմամբ

Ժամանցի սիրահար շատ տղամարդկանց հատուկ է առօրյա կյանքից խուսափելն ու համախոհ ընկերների հետ զվարճանալը: Սակայն ամեն ինչում ներգրավված լինելու քո ցանկությունը կարող է վախեցնել նրան՝ տպավորություն ստեղծելով, թե ներխուժում ես իր տարածք և իրենից խլում իր սիրելի զբաղմունքը:

life.mediamall.am


Просмотров: 594 | Добавил: Stepan | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ

Copyright MyCorp © 2019