Լալայի վարքի մասին աշխատավայրում գիտեին գրեթե բոլորը։ Նա աշխատում էր բանկում շուրջ 7 տարի։ Երբևէ իրեն վատ չէր զգում ցենզուրայից դուրս խոսելիս՝ անգամ անծանոթ տղամարդկանց շրջանում։ Ամուսնացած չէր, ու չէր էլ ցանկանում ընտանիք կազմել։ Սակայն, կարողացավ քայքայել երիտասարդ ընտանիք։ Սիրահարվել էր բանկի իրենց վարչության պետին՝ Արսենին ու ամեն բան անում էր երիտասարդ, խելացի, գեղեցիկ տղամարդու ուշադրությունը գրավելու համար։

Արսենն էլ, սկզբում զուտ ընկերական, հետո արդեն այլ նպատակներով սկսեց մոտիկություն անել Լալայի հետ։ Հետո սկսեցին հանդիպել աշխատանքից դուրս։ Արսենի կնոջ՝ Անիի մտքով սկզբում չէր անցնում, որ ամուսինը դավաճանում է, հետո արդեն սկսեց ուշադրություն դարձնել հեռախոսի նամակներին ու ամեն բան հասկացավ: Որոշեց խոսել Լալայի հետ, սկզբում կոպիտ, հետո խնդրեց, որ ընտանքիը չքայքայի։ Բայց ինչպես ենթադրվում էր Լալան չէր ցանկանում լսել, նա մինչև ականջների ծայրը սիրահարվել էր ամուսնացած տղամարդուն, ու անգամ լսել չէր ցանկանում նրանցից բաժանվելու մասին։

Նրանց հարաբերություններն այնքան խորացան, որ Արսենի կինը թողեց ամեն բան ու որդու հետ գնաց հայրական տանն ապրելու։ Լալան ու Արսենը սկսեցին միասին ապրել, բայց ընդամենը 1 ամիս անց Արսենը հսսկացավ, որ Լալան այլևս իրեն չի հետաքրքրում, նա շատ գռեհիկ կին է, ու այլևս չի ցանկանում նրա հետ ապրել։ Իսկ Լալան իրեն բավականին երջանիկ էր զգում Արսենի կողքին, նախ ոչ մի բանի կարիք չուներ, և երկրորդ, նրա հետ անցկացնում էր ճոխ երեկոներ և այլն։ Վերջապես Արսենը ուժ գտավ խոսելու Լալայի հետ, և ասաց, որ այլևս չի ցանկանում իր հետ ապրել։ Լալան թեև արտասվեց, սկանդալ սարքեց, բայց հեռացավ Արսենից։

Իսկ Արսենը թեև շատ խնդրեց Անիին վերադառնալ, բայց Անին այդպես էլ չներեց ամուսնուն։ Հիմա Լալան ու Արսենը շարունակում են միասին աշխատել, Լալան կրկին գտել է իր համար հարուստ սիրեկան, իսկ Արսենն այդպես էլ մնաց մենակ՝ ամեն օր մտքում հայհոյելով Լալային։