Նկարներ, պրոֆիլներ, գնահատականներ, լայքեր, «քոմմենտներ»…այս շարքը դեռ երկար կարելի է շարունակել: Ու այսօր արդեն դժվար է պատկերացնել մեկին, ով համացանացի սոցկայքերում գրանցված չէ: Այն երբեմն դառնում է կախում համացանցից: Որոշները ժամանակ են անցկացնու, որոշները շփվում ընկերների հետ, որոշներն էլ ոչ ավել, ոչ պակաս` բիզնես իրականացնում: Հայաստանում ամենաառաջին սոցկայքը odnoklassniki.ru-ն էր: Այն այսօր էլ բավական մեծ մասսայականություն է վայելում: Համացանցը բազմաթիվ չարագործների ազատ գործելու հնարավորություն է և այս առումով մեր երկիրն էլ բացառություն չէ: Սակայն մեր իրականության մեջ համացանցում հայտնվել են նաև այսպես ասած` «քցողներ», ովքեր փորձում են փող աշխատել: 
Կարելի է հանդիպել բազմաթիվ կեղծ պրոֆիլների` գեղեցիկ աղջիկների լուսանկարներով: Այս տիպի պրոֆիլները բջջային հեռախոսի լիցքավորման քարտերի դիմաց առաջարկում են զրույց կամ սեռական հարաբերություն: Ահա խնդրեմ այդպիսի մի պրոֆիլից մեկ օրինակ.-« 2000-անոց Վիվայի քարտից հետո հանդիպում: Մինչև քարտ չուղարկես չեմ հանդիպի...»

Համացանցի խարդախություններին տեղյակ մարդու համար սա հենց սկզբից պարզ է, որ սովորական խարդախություն է: Սակայն չի կարելի մոռանալ, որ կան բազմաթիվ անտեղյակ մարդիկ, ովքեր զոհն են դառնում այս խաբեբաների:

Այս թեմային անդրադառնալու համար պատճառ հանդիսացավ մեր ընթերցողներից մեկի խնդրանքը ով չցանկանալով ներկայանալ, ասաց որ իր լուսանկարով սոցկայքում կա պրոֆիլ որը նման «ծառայություններ» է առաջարկում: Աղջիկը տեղեկացրեց, որ չի ցանկանում ոստիկանություն դիմել` ավելորդ քաշքշուկի մեջ չընկնելու համար: Երկար ժամանակ չպահանջվեց odnoklassniki.ru կայքում նման պրոֆիլներ գտնելու համար:Բազմաթիվ պրոֆիլներ առաջարկում էին 1000 կամ 2000 դրամ արժողությամբ լիցքավոման քարտի դեպքում ինտիմ հեռախոսազրույց:Մեր բազմաթիվ փորձերին հեռախոսահամար վերցնելու ապարդյուն անցան նրանք համառորեն պնդում էին, որ կխոսեն միայն լիցքավորման քարտի ծածկագիրը ուղղարկելուց հետո:

Որպեսզի հետաքննությունը լինի առավել արդյունավետ, իր ցանկացած 12 նիշանոց ծածկագիր ուղարկեցինք «բիզնեսմենի»-ի: Ինտիմ զրույցը չկայացավ, քանի որ նրա նպատակը զրուցելը չեր այլ «քցելը»: Եվ վարկյաններ անց ավելացանք նրա «սև ցուցակում», սակայն այդ «բիզնեսմենը» հաշվի չեր առել, որ մենք էլ լրագրողի խորամանկությամբ իրեն ուղղակի 12 նիշանոց թվերի կույտ էին ուղարկել և ոչ թե լիցքավորման քարտ:

Փորձեցինք այս հարցի վերաբերյալ պարզաբանումներ ստանալ նաև ոստիկանությունից: Ոստիկանության լրատվության և հասարակայնության հետ կապերի վարչության պետ Աշոտ Ահարոնյանը մեզ հետ զրույցում ասաց.-«Իհարկե լինում են նման դեպքեր: Միայն այս տարի 4-5 դեպք ենք հայտնաբերել: Եղել են դեպքեր, երբ անգամ ՔԿՀ-ներում են եղել այդ կեղծ պրոֆիլների հեղինակները»:
Հատկապես ցավալի է, երբ այդ չարագործները այլ աղջիկների լուսանկարներով են ներկայանում, ինչ նաև այլ մարդու բարի համբավի արատավորում է:Մենք այս խնդիրը հետագայում ևս կպահենք մեր ուշադրության կենտրոնում, որպեսզի սա չդառնա հասարակական չարիք և փող «աշխատելու» միջոց: