Միջերկրածովյան սննդակարգը, որն իր մեջ ներառում է ծովամթերքներ, ընկուզեղեն, բանջարեղեն, մրգեր, կարող է հրաշքներ գործել: Այն մեկ երրորդով նվազեցնում է արյան զեղման, սրտի կաթվածի, սրտային հիվանդությունների ռիսկային խմբում գտնվող մարդկանց անժամանակ մահը: Նման եզրակացության են եկել Բարսելոնայի համալսարանի գիտնականները, հաղորդում է "The Daily Mail"-ը:

Նախկինում կատարված հետազոտություններն արդեն ցույց են տվել, որ նման սննդակարգից օգտվող մարդիկ սրտի հետ կապված խնդիրներ չեն ունենում: Սակայն իսպանացիներն առաջին անգամ են միջերկրածովյան սննդակարգը փորձարկել ռիսկային խմբի վրա: Փորձին մասնակցել է 55-80 տարեկան ավելի քան 7 հազար մարդ, ովքեր տառապում են ավել քաշից, շաքարային դիաբետից եւ նիկոտինային կախվածությունից: Նրանց կեսից ավելին կանայք են եղել: Կամավորները սնվել են մրգերով, բանջարեղեններով, շաբաթական 3 անգամ` սպիտակ մսով, ձկով, ոմանք իրենց սննդակագին հավելել են ընկույզ եւ ձիթապտղի յուղ: Նրանց նաեւ թույլատրվել է կարմիր գինի ըմպել: Իսկ ահա քաղցրավենիքներից նրանք հրաժարվել են:

Արդյունքում` առաջիկա 5 տարվա ընթացքում նրանցից 288-ի մոտ է արյան զեղում կամ սրտի կաթված տեղի ունեցել: Ոմանք էլ մահացել են սրտային հիվանդություններից: Ընդհանուր առմամբ նոպաներ գրանցվել են նրանց 3.8 տոկոսի մոտ: Մասնագետները հաստատել են, որմիջերկարծովյան սննդակարգից օգտվողները 30 տոկոսով ավելի քիչ են սրտի կաթվածի, արյան զեղման եւ սրտային հիվանդությունների զոհ դառնում: 

henaran.am