Իսպանիայի Նավարա շրջանի մայրաքաղաք Պամպլոնայում մեկնարկել է ամենամյա Սան-Ֆերմին փառատոնը՝ հայտնի ցլերի հետ վազքով:

 Տոնը կտևի 8 օր: Ինչպես նշում է Euronews-ը, զբոսաշրջիկներն ու տեղացիները կպարեն, կերգեն, իսկ համարձակները կմասնակցեն էնսիերոյին՝ ցլերի հետ վազքին: Այսօր ցերեկը տեղի է ունեցել առաջին վազքը, որի ընթացքում 5 մարդ է տուժել: Երեկոյան ցլերը դուրս կբերվեն արենա՝ ընդդեմ Իսպանիայի առաջատար ցլամարտիկների: 

Պամպլոնացիները տոնը նշում են արդեն 8 դար: Տոնը նվիրված է քաղաքի հովանավոր՝ Սուրբ Ֆերմինին: Ցլերի հետ վազքը հաճախ ավարտվում է վնասվածքներով ու մահվան դեպքերով: 1924 թվականից ցլերի հետ վազքում 15 մարդ է մահացել, մահվան վերջին դեպքը գրանցվել է 2009-ին: 

Հիշեցնենք, որ անցած տարի էնսիերոյի ընթացքում զոհեր չեն եղել, սակայն 42 մարդ վնասվածքներ էր ստացել: