 Իսպանիայի իշխանությունները խոշոր տուգանք են սահմանել գիշերային խաղաղության խախտման համար: Քաղաքի այն բնակիչները, ովքեր գերազանցում են ձայնի թույլատրելի բարձրությունը, ինչպես նաև այն շների տերերը, որոնց կենդանիները հաչում են երեկոյան և վաղ առավոտյան, տուգանքի կենթարկվեն 900 եվրոյի չափով:
Այսպես՝ 23:00- 08:00 չի կարելի տեղաշարժել կահույքը, երեկույթներ կազմակերպել, փոշեկուլ միացնել, նվագել, երգել, վերանորոգման աշխատանքներ տանել, բարձր երաժշտություն լսել, այլ աղմուկ բարձրացնել, որոնք կարող են խանգարել հարևաններին:
Նոր կանոնները կվերաբերեն նաև շների տերերին, ովքեր պետք է հետևեն, որ իրենց կենդանին չխանգարի հարևաններին գիշերը և վաղ առավոտյան՝ անկախ նրանից՝ իրենք գտնվում են տանը, թե դրսում: Լուրջ խախտումների դեպքում տուգանքի չափը կարող է հասնել 12հզ եվրոյի, իսկ ամենածանր դեպքերի համար այն կարող է հասնել մինչև 300 հզ եվրոյի:
1in.am
|