Թերթի տեղեկացմամբ` Վարդենիսի Ակունք գյուղում մի երիտասարդ կին` Քրիստինե Ավագյանը, տանից վերցնելով ոսկեղենն ու մեծ գումար, անհետացել է:

Ըստ անհետացած կնոջ համագյուղացիների` նա խնդիրներ է ունեցել ամուսնու և սկեսուրի հետ, ինչն էլ պատճառ է հանդիսացել նման քայլի դիմելու:

Վարդենիսի բնակիչներից ոմանք, սակայն, պնդում են, որ տանից վերցրած գումարը Քրիստինեն պարտքով տվել է հարևանուհուն: Այդ մասին տեղեկացել է սկեսուրը, և հարսը վերջինիս ահից հեռացել է տանից:

Ըստ թերթի ունեցած տեղեկությունների` Ք.Ավագյանն իսկապես տանը խնդիրներ է ունեցել, ինչի պատճառով էլ վերցրել է տան գումարն ու ոսկեղենը և հեռացել: Ապրիլի 3-ին նա տաքսիով եկել է Երևան, Սարի Թաղում բնակարան վարձել:

Թղթակիցը փորձել է տեղեկությունը ճշտել ոստիկանության հասարակայնության հետ կապերի և լրատվության վարչությունից, որտեղից հայտնել են, որ ապրիլի 11-ին ոստիկանությունը Երևանում հայտնաբերել է Ք.Ավագյանին:

«Առայժմ հայտնի չէ, թե ինչ է սպասվում նրան»,- եզրափակում է թերթը: