Աղջկական բարդույթները լինում են դեռ չամուսնացած կամ զուգընկեր չունեցող աղջիկների մոտ: Դա գալիս է դաստիարակությունից, հասարակության վերաբերմունքից, սեփական նախապաշարմունքներից:
Սիրահարված աղջիկը համոզված է, որ պետք է լինի ամոթխած, որոշակի սահմանների ու նորմերի մեջ, երբեք չպետք է առաջինը խոստովանի իր զգացմունքները: Դա որպես սանձարձակություն է ընկալվում: Բացի այդ, աղջիկները չգիտես ինչի համոզված են, որ առաջին քայլը, առաջին սիրո խոստովանությունը, առաջին համբույրը տղաների պարտականություններն են:
Նրանք իրենց անկրկնելի, անգերազանցելի են համարում և, ըստ նրանց, տղաները պետք է ծնկի գան իրենց անկրկնելի հմայքի ու անհատականության առաջ: Այս դեպքում կամ լինում է իրենց ցանկությամբ, կամ էլ մնում են անտեսված ու միայնակ: Իսկ երբ անտեսվում կամ չեն նկատվում, զբաղվում են ինքնախաբեությամբ: Իրենք իրենց համոզում են, որ այդ տղաները իրենց նմանին արժանի չէին, բայց դե հոգու խորքում գիտեն ճշմարտությունը:
Նրանց հարկավոր է միայն հաղթահարել այդ բարդույթները և անել առաջին քայլը: Դա էլ կարող է ամեն ինչ փոխել:
Այս աղջկական բարդույթները, որոնցից ժամանակին չեն ազատվում, վերածվում են կանանցի բարդույթների:
Կան անլիարժեքության բարդույթներ: 
Սեքսի ժամանակ նրանք անընդհատ մտածում են, թե ինչպես թաքցնեն իրենց ցելյուլիտը, ավելորդ քաշը, թերությունները, որն էլ թույլ չի տալիս անկողնում թուլանալ և հաճույք ստանալ: Նրանք այդ պահին մոռանում են, որ այդ տղամարդը ընտրել է իրենց այդպիսին, մոռանում են, որ ցանկալի են, սիրված: Բացի այդ, եթե խնդիրներ կան, դրանք կարելի է լուծել նախօրոք, այլ ոչ թե անկողին բերել: 
Կան նաև ավելի ինտիմ խնդիրներ, բարդույթներ:
Մի փոքր փորձ ունեցող տղամարդն էլ անգամ գիտի, որ կինը կարող է սեռական ակտի ժամանակ օրգազմ չունենալ, և դրա համար կնոջն այլ խթաններ են հարկավոր: Եվ եթե տղամարդը ցանկանում է այդպես հաճույք պատճառել իր կնոջը, ապա կանանց մի մասը իր նախապաշարմունքների պատճառով դա թույլ չի տալիս` իրեն համարելով իսկական հայուհի, որին վայել չեն այդպիսի բաները, կամ էլ, եթե նույնիսկ թույլ են տալիս, ապա դրանից հետո մոռանում են, որ քնքշանք, շոյանք հարկավոր է նաև տղամարդուն: Ավելի ճիշտ կամ մոռանում են, կամ էլ կարծում, որ իրենց արժանապատվությունը դա թույլ չի տալիս անել:
Այն դեպքում, որ տղամարդուն հաճույք պատճառելը անպայման կգնահատվի նրանց կողմից (իհարկե, եթե նա մեր հայ կաղապարված տղամարդկանցից չէ):
Շամիրամի բարդույթ կամ իգական հաննիբալիզմ
Կենսաբանական միևնույն տեսակի առանձնյակների՝ միմյանց խժռելու, ոչնչացնելու երևույթն ընդունված է անվանել հաննիբալիզմ: Դա դիտվում է թե ցածրակարգ և թե բարձրակարգ կենդանիների` սարդերի, շնաձկների, գայլերի մոտ: Ինչպեսև` մարդկանց շրջանում: Հաննիբալիզմի յուրաքանչյուր դրսևորում ունի իրեն հատուկ դրդապատճառային համակարգը, որի հենքը բնազդային գործոններն են: 
Հիմք ընդունելով Շամիրամ գրական կերպարի հնությունը, խորությունն ու գունեղությունը՝ նպատակահարմար ենք գտնում բազմացման գործոններով պայմանավորված, կնոջ կողմից իր տեսակի մյուս ներկայացուցիչների ոչնչացմանն ուղղված հոգեվիճակն անվանել Շամիրամի բարդույթ: Հիշատակված օրինակներում իգական ագրեսիան ուղղված է ամուսնու, իր սերը մերժած տղամարդու և ամուսնու իրավահաջորդ որդու դեմ:
Աղբյուրը` www.doctors.am