Հետաքրքիր Փաստեր Пятница, 22.11.2024, 11:15
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Ռիհաննան իրեն համասեռամոլ է հայտարարել/տեսանյութ, լուսանկարներ/

Միայնակությունը նվազեցնում է կյանքի տևողությունը. հետազոտություն

Առաջադեմ դեռահասների նախընտրած կյանքը. Եվ կույս մնալ, եւ հաճույք ստանալ

Թբիլիսիի մոտակայքում տեղի է ունեցել քլորի արտահոսք. 70 մարդ հոսպիտալացվել է

Սեքսուալ կյանքում շատ օրենքներ անարդարացի են

Սոբչակն անփոխարինելի է

Ռուսական շոու բիզնեսը օգնության ձեռք է մեկնում /ֆոտո/

Ստամբուլի քաղաքապետարանի աշխատակիցները մահակներով դաժանորեն ծեծել են հային

Կորոլյովան ու Տարզանը հիմա էլ դատական գործ են բացել.4 մլն ռուբլի են ուզում /լուսանկար/

Ավտոմեքենան դարձել է կենդանաբանական այգու բնակիչ

Բրիտանուհին 99 մլն-ով ավելի շատ գույն է տեսնում, քան սովորական մարդիկ

Հայտնի ո՞ր մոդելները չեն ծերանում

Մեսին հանգստանում է Մայամիում

Կուսությունը եւ կարմիր խնձորը. սեքսոպաթոլոգի նորօրյա հայացքը

[Անիմացիա]
Սեղմիր Класс

Ինչպես է ննջասենյակի գույնն ազդում քնի վրա

[Անիմացիա]
Անհաջող Թռիչք

Թոմ Կրուզն ու Քեթի Հոլմսը ամուսնալուծվում են

Կրասնոյարսկում 10 օր է փնտրում են 16-ամյա Սյուզաննա Հովհաննիսյանին

Поиск
Главная » 2013 » Հունիս » 6 » Կապանում պոռնկությամբ զբաղվելու միջնորդավճարը 5 հազար դրամ է
08:39
Կապանում պոռնկությամբ զբաղվելու միջնորդավճարը 5 հազար դրամ է
Վերաքննիչ քրեական դատարանի վարույթում է Աղավնի Ստեփանյանի, Կոստյա Սողոմոնյանի և Վահե Սարգսյանի գործով բերված վերաքննիչ բողոքի քննությունը:

Սյունիքի մարզի ընդհանուր իրավասության դատարանը Նապոլեոն Օհանյանի նախագահությամբ կապանցիներ Ստեփանյանին, Սողոմոնյանին և Սարգսյանին մեղավոր է ճանաչել պոռնկությամբ զբաղվելուն նպաստելու համար:

Նախաքննական մարմինը 59-ամյա Աղավնի Ստեփանյանին 2012 թվականի նոյեմբերի 9-ին մեղադրանք է առաջադրել ՀՀ քրեական օրենսգրքի 262 հոդվածի 2-րդ մասի 5-րդ կետով: 

Ըստ մեղադրանքի՝ Աղավնի Ստեփանյանը, պոռնկությամբ զբաղվող Արուսյակից, Նարինեից, Քրիստինեից, Լիանայից, Լիլիթից ու Աննայից գույքային օգուտ՝ միջնորդավճար ստանալով, բավական տևական ժամանակահատված՝ 2005 թվականից մինչև 2012 թվականի նոյեմբերի 7-ը նպաստել է նրանց կողմից պոռնկությամբ զբաղվելուն: 

Աղավնին միջնորդ-«աղավնու» դերն է ստանձնել վերոհիշյալ մարմնավաճառների ու նրանց հաճախորդների միջև՝ ընդունելով «պատվերներ», իրականացնելով հանդիպումներ, յուրաքանչյուր միջնորդության համար պահանջելով ու ստանալով 5 հազար դրամ:

2013 թվականի մարտի 6-ին նմանատիպ արարքի համար մեղադրանք է առաջադրվել նաև 44-ամյա Կոստյա Սողոմոնյանին: 

Վերջինս ավելի համեստ «ստաժ» է ունեցել պոռնկությանը նպաստելու «ասպարեզում»: 

Կոստյա Սողոմոնյանը 2010 թվականից մինչև 2012 թվականի նոյեմբերի 7-ը եղել է պոռնկությամբ զբաղվելուն նպաստած Աղավնի Ստեփանյանի «ասիստենտը», այսինքն՝ նպաստել է պոռնկությամբ զբաղվելուն նպաստողին: Իմանալով, որ վերը հիշատակված կանայք զբաղվում են մարմնավաճառությամբ ու պարբերաբար հանդիպում են իրենց հաճախորդների հետ, Սողոմոնյանն իր անձնական օգտագործման «ՎԱԶ-2106» մակնիշի ավտոմեքենայով նրանց փոխադրել է տարբեր հյուրանոցային համալիր-անառակատներ, ինչպես նաև Աղավնի Ստեփանյանին է փոխանցել նրան հասանելիք միջնորդավճարները:

2013 թվականի մարտի 20-ին նույն հոդվածով մեղադրանք է առաջադրվել ևս մեկ տղամարդու՝ 20-ամյա Վահե Սարգսյանին: 

Պարզվել է, որ նա նույնպես Աղավնի Ստեփանյանի ձեռնարկած «գործի» մեջ է ներգրավվել, բայց, կարելի է ասել, դեռ «պրակտիկանտի» դերում է եղել, քանի որ, ըստ մեղադրանքի, հասցրել է միայն 2012 թվականի հոկտեմբերի 5-ին «կազմակերպել» վերը թվարկված մարմնավաճառների ու նրանց հաճախորդների հանդիպումը «Քարավան» հյուրանոցային համալիրում:

Ընդհանուր իրավասության դատարանում երեք ամբաստանյալներն էլ իրենց մեղավոր են ճանաչել ու միջնորդել, որ գործը քննվի արագացված կարգով:

Դատարանը նկատի է ունեցել, որ եթե Աղավնի Ստեփանյանը նախկինում՝ 2001 թվականին մեկ անգամ դատապարտվել է համասեռ հանցագործության համար ու համաներման կիրառմամբ ազատվել պատժի կրումից, ապա նրա «օգնականներ» Սողոմոնյանն ու Սարգսյանը նախկինում դատված չեն եղել: 

Աղավնի Ստեփանյանը վատառողջ է, երրորդ խմբի հաշմանդամ: Կոստյա Սողոմոնյանն ընտանիքի միակ կերակրողն է, իսկ Վահե Սարգսյանը վատառողջ է, ինչի պատճառով ազատվել է պարտադիր զինվորական ծառայությունից:

Քանի որ Աղավնի Ստեփանյանի նախկին դատվածությունը ևս նմանատիպ հանցագործության կատարման համար է եղել, դատարանը հանգել է հետևության, որ Աղավնին, նախկին դատավճռով սահմանված պատիժը չկրելով, անհրաժեշտ եզրահանգում չի կատարել, դարձյալ պոռնկությամբ զբաղվելուն նպաստելու «գործին» է «նվիրվել»՝ ընդունել է մարմնավաճառների ծառայություններից օգտվելու «պատվերներ», «կազմակերպել» մարմնավաճառների և նրանց հաճախորդների հանդիպումները, մինչև անգամ՝ մարմնավաճառներին հյուրանոց հասցնելը: Աղավնու «գործունեությունը» կրել է շարունակական բնույթ, նրա արարքի հանրային վտանգավորության աստիճանը, ըստ դատական ակտի, բարձր է եղել:

Ընդհանուր իրավասության դատարանը Աղավնի Ստեփանյանին վերջին հաշվով դատապարտել է 3 տարի 5 ամիս 27 օր ազատազրկման: Պատժի սկիզբը կհաշվվի Ստեփանյանին փաստացի արգելանքի տակ վերցնելու օրից:

Կոստյա Սողոմոնյանը և Վահե Սարգսյանը դատապարտվել են 3-ական տարի ազատազրկման: Նրանց նկատմամբ պայմանական դատապարտություն է կիրառվել: Սողոմոնյանի նկատմամբ նշանակվել է 2 տարի, իսկ Սարգսյանի նկատմամբ՝ 1 տարի փորձաշրջան: 

Դատավճռի դեմ վերաքննիչ բողոք է բերել Աղավնի Ստեփանյանը՝ խնդրելով իր նկատմամբ սահմանված պատիժը նույնպես պայմանականորեն չկիրառել, իրական ազատազրկման չենթարկել՝ հաշվի առնելով իր տարիքն ու առողջական վիճակը:
Просмотров: 621 | Добавил: Admin | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ
Copyright MyCorp © 2024