Ժամանակակից շոգեբաղնիքային համալիրներում կարելի է ոչ միայն շոգեբաղնիք ընդունել, այլև ընթրել, դիտել Եվրոպայի ֆուտբոլի չեմպիոնատը հսկայան թվային էկրաններին:

Այդ համալիրների շարքում է գտնվում Մոսկվայի Հաղթանակի կամարի հարևանությամբ գտնվող  «Տազիկ կլուբ» յուրօրինակ անվանմամբ նոր շոգեբաղնիքի համալիրը: Այս շոգեբաղնիքն իր որակով կարող է մրցակցել Սանդունովյան շոգեբաղնիքների հետ՝ առաջարկելով հանգստանալ և շոգեբաղնիք ընդունել կայսրի պես: Այսպիսի հաճույքը հասանելի է միայն շքեղության և շոգեբաղնիքային ավանդույթների իսկական երկրպագուին: 

Արտաքինից աննկատ թվացող շենքի ներսում այնպիսի տպավորություն է, որ գտնվում ես շքեղ պալատում: Հյուրերի տրամադրության տակ են չորս դահլիճները. «Վերսալ», «Գլամուր», «Ամերիկանո» և «Մարոկկո»: Բոլոր դահլիճներն էլ շքեղ ձևավորված են հարմարավետ հանգստի համար և ամբողջովին անջատված են միմյանցից: Դիզայնի ճոխության և հարստության մասին է վկայում այն փաստը, որ «Տազիկ կլուբ»-ը արժանացել է ներքին հարդարման ճարտարապետության և դիզայնի  ХIV միջազգային փառատոնի Ներքին հարդարանք-2012 մրցանակին:  

Դահլիճ «Վերսալ» 

Վերսալյան դահլիճը թագավորական շքեղությամբ է օժտված. ոսկեջրած մոմակալներ, բանկետի սեղան, ճենապակյա ջահեր, բարոկկո ոճի կահույք, բրոնզե ժամացույցներ և Նապոլեոնի կիսանդրին:  Ամեն ինչ այնպես է փայլում, որ տպավորություն է ստեղծվում, որ իրոք գտնվում ես Վերսալի պալատում:

Այստեղ կարելի է հարմարավետ հանգստանալ, ռուսական բիլիարդ խաղալ, շեֆ-խոհարարի պատրաստած ֆիրմային ճաշատեսակները փորձել, և իհարկե մինչև 12 հոգով շոգեբաղնիք ընդունել:  Ընդ որում՝ բոլոր չորս շոգեբաղնիքներում տարբեր տեսակի փայտ է օգտագործվել: «Վերսալ»-ում օգտագործվել է հազվագյուտ ավստրալիական աբաշին:

Այս շոգեբաղնիքում կիրառվում են «Անտառային երեք առաքյալները». շոգեբաղնիքում հինգ տարբեր ցախավելների, տարբեր ջերմաստիճանի ջրաշիթերի, արթնացող գարնանային անտառի զարմանալի բույրի համադրությունն է: Կաղնու, եղևնու և գիհու ցախավելների օգտագործումը ստեղծված է հատուկ այն մարդկանց համար, ովքեր սիրում են միշտ լավ տեսք ունենալ և գնահատում են սուր զգացողությունները:

Շոգեբաղնիք ընդունելուց հետո կարելի է թուլանալ և հանգստանալ հանգստի սենյակում, որը լյուքս համար է հիշեցնում:

«Գլամուր»

«Գլամուր» դահլիճը ձևավորված է սև ու սպիտակ գույնի  շքեղ նախշերով և նախատեսված է տասը հոգու համար: Մինչև շոգեբաղնիքի տաքանալը հյուրերին առաջարկում են պրոֆեսիոնալ կարաոկե, արբանյակային TV և նարգիլե: Հարմար և ոճային բազմոցները զարդարված են XX դարի ոճի չափանիշներ Օդրի Հեպբերնի և Մերիլին Մոնրոյի պատկերներով:  

Տաքացած հյուրին հաճելի կլինի շոգեբաղնիքից հետո նետվել լողավազանի սառը ջուրը կամ մարմինը շփել սառցե ցայտաղբյուրի ձյունով: 

«Ամերիկանո»

Այս 8 հոգո համար նախատեսված դահլիճի հսկայական թվային էկրանին հատկապես հետաքրքիր կլինի դիտել ֆուտբոլային խաղերը: Ֆուտբոլից հետո կարելի է բիլիարդ խաղալ, իսկ դրանից հետո, իհարկե, մտնել շոգեբաղնիք:

«Ամերիկանո»-ի շոգեբաղնիքը պատրաստված է կանադական եղևնափայտից: Այստեղ մասնագետները կառաջարկեն ռուսական և արևելյան տեխնիկաներով միախառնված մերսում: Այն ուղղված է ֆիզիկական ուժերը վերականգնելուն: Այս մերսումը հանում է նաև ներքին արգելակները:

 «Մարոկկո»

Արևելյան գորգեր, ձեռագործ բարձեր, փայտե փորագիր սեղաններ. այս ամենը ստեղծում են «Հազար ու մեկ գիշերներ»-ի տպավորություն:

Փորագրված պահարաններում տեղադրված են արևելյան սափորներ և լամպեր:

Այստեղ կարելի է արաբական սև օճառով մերսում ընդունել, որը թարմացնում է մաշկը: Այստեղ շոգեբաղնիքը լորենուց է պատրաստված:

 Այսպիսիով՝ «Տազիկ կլուբ» շոգեբաղնիքի համալիրում կարելի է թագավոր, սուլթան, հոլիվուդյան աստղ կամ ամերիկացի միլիարդատեր զգալ, սակայն ռուսական շոգեբաղնիքի ոգով: