Credit Suisse վերլուծական կենտրոնի անցկացրած հետազոտության համաձայն` խոշոր ձեռնարկությունները, որոնց ղեկավարներից գոնե մեկը կին է, ավելի արդյունավետ են, քան մրցակիցները, որոնք ղեկավարվում են բացառապես տղամարդկանցով: Որոշ դեպքերում այդ տարբերությունը հասնում է 26 տոկոսի:

Ինչպես ցույց են տվել 6 տարի տևած հետազոտությունները, կին-ղեկավար ունեցող ընկերություններն ունեն ավելի քիչ պարտքեր, ավելի հաճախ են գրավում ներդրողներին և առանձնանում են ավելի ընկերասեր աշխատակազմով: Գիտնականների կարծիքով` դա բնավ չի նշանակում, որ կանայք ավելի լավ են ղեկավարում: Հաջողության գաղտնիքը միևնույն երևույթի շուրջ կանանց ու տղամարկանց կարծիքների համակցումն է: Թե ինչպես կգործի բացառապես կանանց կողմից ղեկավարվող ընկերությունը, գիտնականները դեռևս չեն պարզել:

mamul.am