Կանադական Ռոդոն քաղաքում երիտասարդ կինը խեղդվել է ջրվեժում, երբ լուսանկարվելու համար հարսանեկան զգեստով կանգնել է դրա տակ։

Ինչպես հաղորդում է ТСН, 30-ամյա Մարիա Պանտազոպուլոսը, ով ամուսնացել է հունիսին, ցանկացել է ֆոտոշարք ունենալ հայտնի «trash the dress» ոճում, որում նորաթուխ կինը լուսանկարվում է հարսանեկան զգեստը փչացնելու ընթացքում:

Մարիան որոշել է լուսանկարվել ջրվեժի մոտ, սակայն սայթաքել է եւ ջուրն ընկել։ Ծանր զգեստը թացացել է եւ քաշել նրան դեպի հատակ:

Ինչպես պատմել է հրավիրված լուսանկարիչը, տեսնելով, որ իր մոդելը սկսում է խեղդվել, նա նետվել է ջուրը, սակայն չի կարողացել փրկել աղջկան:

«Երբ աղջիկը ջուրն է ընկել, զգեստը ակնթարթորեն թացացել եւ ծանրացել է։ Ես փորձեցի անել ամեն հնարավորը նրան փրկելու համար», - նշել է լուսանկարիչը։

Խեղդվածի մարմինը հայտնաբերել են ողբերգությունից մի քանի ժամ անց՝ Դորվին Ֆոլլս զբոսայգու տարածքում, որտեղ նկարվում էր ֆոտոշարքը, http://mignews.com: