Տղամարդկաց միշտ էլ հետաքրքրել է, թե կնոջը գայթակղելու համար ինչ հատկությամբ պետք է իրենք օժտված լինեն: Հոգեբանները վերջերս հայտնաբերել են այդ հարցի պատասխանը: Նրանք առաջարկում են իզուր շամպայն կամ ծաղիկներ չգնել. Կնոջը գրավելու լավագույն միջոցը սրամտությունն է:

Հարցմանը 40 ուսանողներ են մասնակցել, որոնց կեսը արական, կեսը իգական սեռի ներկայացուցիչներ են եղել: Նրանց բոլորին հարցրել են, թե անմարդաբնակ կղզի գնալիս ինչ կվերցնեին իրենց հետ: Առաջարկել են պատասխանների տարբերակներ՝ շոկոլադ, մազերի լաք և պոլիէթիլենային տոպրակներ: 40 մասնակիցներից 19-ը փորձել են հումորային պատասխաններ տալ:

Այնուհետև այդ 19 ուսանողների պատասխանների ձայնագրությունները լսել են մնացած ուսանողները, որոնց առաջարկել են գնահատել նրանց գրավչությունը ծիծաղելի պատասխաններին համապատասխան: Մասնակիցները հումորի զգացումով ուսանողներին ընկալել են որպես «մեկ գիշերվա համար» լավագույն թեկնածուներ:

1in.am