Հետաքրքիր Փաստեր Չորեքշաբթի, 25.06.2025, 10:51
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Ի՞նչ չի կարելի ուտել հղիներին

Սեքսոպաթոլոգը խորհուրդ չի տալիս սեռական հարաբերություն ունենալ ջրում

Ինչպե՞ս խուսափել լողավազաններում վարակային հիվանդություններից. մասնագետի խորհուրդները

Ավտովթար Բերդ-Պառավաքար ճանապարհին. կա զոհ

[Անիմացիա]
Անհաջող Թռիչք 2

Աստղերն առանց շպարի (ֆոտո)

[Անիմացիա]
Բալետի Պարուհին

Ուտելիք, որը խլում է էներգիան

Կուբանի ջրհեղեղի հետեւանքով անհետ կորած է համարվում Դավթյանների ընտանիքը

[18+]
Ամենասեքսուալ հոտերը

Քրիշտիանու Ռոնալդուի հարսնացուն կզբաղեցնի Քսենիա Սոբչակի տեղը

Էրիկի ''Անիրական''-ը` Լիլիթ Հովհաննիսյանի երգի մոտիվներով (վիդեո)

Ռուս աղջիկները պարում են հայ տղամարդկանց համար եռագույնի ֆոնին /վիդեո/

«Սիրո՞ւմ եք գարեջուր». պատասխանը ցույց է տալիս սեքսի հանդեպ վերաբերմունքը

Կանայք կյանքի ընթացքում 43 շաբաթ վատնում են դիմահարդարման վրա. հետազոտություն

Թուրքիա մի գնացեք, հայերի ոսկորները կտրորեք. միջազգային մամուլ

Եվրոպայի չեմպիոնը կրկին Իսպանիան է

Լեդի Գագան ցույց է տվել «մսե զգեստապահարանը» (լուսանկարներ)

Քիմ Քարդաշյանը ցուցադրել է առանց ''ֆոտոշոփ''-ի մարմինը (ֆոտո)

Поиск
Главная » 2013 » Апрель » 24 » Կորյունն ու ընկերները չմարսեցին անչափահաս աղջկա առևանգումը
23:47
Կորյունն ու ընկերները չմարսեցին անչափահաս աղջկա առևանգումը
Վերաքննիչ քրեական դատարանում ավարտվել է Կորյուն Գևորգյանի և Քաջիկ Մուսայելյանի գործով բերված վերաքննիչ բողոքների քննությունը:

Էրեբունի և Նուբարաշեն վարչական շրջանների ընդհանուր իրավասության դատարանը Վլադիմիր Գրիգորյանի նախագահությամբ 2013 թվականի փետրվարի 27-ի դատավճռով հաստատված է գնահատել Գևորգյանի և Մուսայելյանի մեղքը:

24-ամյա Կորյուն Գևորգյանը և 25-ամյա Քաջիկ Մուսայելյանը ընկերություն են արել դպրոցական տարիներից: Նույն նստարանին էլ, հնարավոր է, նստել են կողք կողքի: 

Հիմա էլ կողք կողքի են, բայց արդեն՝ ամբաստանյալի աթոռին: Նրանց երկուսին էլ ընդհանուր իրավասության դատարանը մեղավոր է ճանաչել ու դատապարտել «աղջիկ փախցնելու» համար:

Մեր իրականության մեջ դեռ արդիական համարվող այս «սովորույթը» քրեական օրենսգրքում հստակ առանձնացված է որպես հանցավոր արարք, ծանր հանցագործություն: Այն առավել ծանր է համարվում, եթե փախցված աղջիկը չափահասության տարիքի հասած չի լինում: 

Այս հանցատեսակի մասին, ըստ երևույթին, պետք է դեռ դպրոցական տարիներին մանրակրկիտ կերպով իրազեկել պատանիներին ու աղջիկներին, որպեսզի 21-րդ դարում ընտանիք կազմելու համար մարդ, հատկապես անչափահաս մարդ առևանգելուց առաջ հստակ պատկերացնեն իրենց գլխին գալիքը: Դեռ իրենց հետ էլ մի քանի թեթևամիտ ընկերոջ կրակը չգցեն, առևանգվողի պատվի ու արժանապատվության նկատմամբ չոտնձգեն: Աղջիկ փախցնելը ոչ թե ուրախ արկած է, խաղ, այլ քրեական հանցագործություն՝ դրանից բխող բոլոր լուրջ ու անցանկալի հետևանքներով:

Ժամանակակից երիտասարդները կարող են ամուսնանալ նաև առանց ծնողական օրհնություն ստանալու: Դրա համար ապագա կնոջը բռնության ենթարկելու, առևանգելու կարիք կա՞ մեր օրերում: 

Լիարժեք ամուսնության համար կողմերի՝ հենց ամուսնացողների փոխադարձ համաձայնությունն է պետք, մեկ էլ՝ չափահաս լինելը, որպեսզի քրեական պատասխանատվության հարց չառաջանա: Միայն «ես ուզում եմ»-ով կարգին ընտանիք չի կազմվի, հարկավոր է, որ «մենք ուզում ենք»-ը հնչի հաստատակամ:

Այս գործով ամբաստանյալներից Կորյունն է սիրած աղջկան առևանգելու որոշում կայացրել: Ըստ դատական ակտի, հանցավոր արարքին նա ներգրավել է նաև իր ընկերներին: 

Կորյունը տաքսի է վարձել, ընկերներին համախմբել ու գնացել «աղջիկ փախցնելու»՝ իմանալով, որ սիրած աղջիկը դեռ անչափահաս է՝ 17 տարեկան: Ընդամենը հարկավոր էր մի քանի ամիս սպասել, որպեսզի իրեն ու ընկերներին դատապարտվելու վտանգի չենթարկի: 

Կորյուն Գևորգյանն իրեն մեղավոր է ճանաչել մասնակիորեն՝ ժխտելով ընկերների մասնակցության հանգամանքը: Բայց նախաքննական մարմինն ու ընդհանուր իրավասության դատարանը ընկերների, մասնավորապես Քաջիկի մասնակցությունը հաստատված է գնահատել, դատապարտել նաև Քաջիկին, իսկ Գևորգի նկատմամբ հայտարարվել է հետախուզում: 

Կորյունը անչափահաս Զ.-ի հետ ծանոթացել է 2011 թվականի հոկտեմբերին Գյումրիում՝ բարեկամի հարսանիքի ժամանակ: Աղջկան անմիջապես հավանելով՝ բարեկամների միջոցով պարզել է նրա անձնական տվյալները, սկսել է նրա հետ շփվել «Օդնոկլասնիկի» կայքի միջոցով, ապա հեռախոսազանգերով: 

Որոշ ժամանակ անց երիտասարդներն սկսել են հանդիպել, զբոսնել: 

Ըստ Կորյունի՝ իրենք համակրել ու սիրել են միմյանց: Ինքը նպատակ է ունեցել ամուսնանալու աղջկա հետ՝ իմանալով, որ նրա տասնութ տարին լրացած չէ, ու նա սովորում է բժշկական քոլեջում:

Երիտասարդների հանդիպումների մասին իմացել են Զ.-ի ծնողները և աղջկան խստիվ արգելել են ծանոթությունը շարունակել: 

Բայց, ըստ Կորյունի, իրենք շփվել են, գիշերները գաղտնի զրուցել հեռախոսով: 

Աղջկա ծնողներն այդ իմանալով՝ դստեր ձեռքից վերցրել են հեռախոսը, արգելել են նաև օգտվել համացանցից:

Կորյունն այս ամենից ելնելով՝ կայացրել է իր որոշումը. «Քանի որ Զ.-ին շատ էի սիրում, որոշեցի նրան առևանգել ու ամուսնանալ հետը»: 

Ըստ աղջկա՝ 2012 թվականի ապրիլի կեսերից իրենց հարաբերությունները վերջնականապես խզվել էին, քանի որ ինքն այլևս չէր ցանկանում դրանք շարունակել, բացի այդ՝ ծնողները կտրականապես դեմ էին իրենց հանդիպումներին:

Կորյունը ճանաչել է նաև Զ.-ի ընկերուհուն: Դեպքի օրը զանգել է այդ ընկերուհուն ու խնդրել Զ.-ի հետ դուրս գալ քոլեջից, որպեսզի նամակ հանձնի: 

Աղջիկները, առանց վատ բան մտածելու, դուրս են եկել: 

Բայց Կորյունը քոլեջի մոտ էր գնացել տաքսիով, երեք ընկերների հետ ու Զ.-ին փախցնելու մտադրությամբ:

Ընկերներից մեկը, ըստ քրեական գործի նյութերի, չի մասնակցել առևանգմանը, կարողացել է մի կողմ քաշվել: 

Տաքսին կանգնել է աղջիկների կողքին: 

Ըստ Զ.-ի՝ մեքենայից իջել են Կորյունը և իր երկու ընկերները՝ Քաջիկն ու Գևորգը: Կորյունն աղջկան ասել է՝ եկել եմ քեզ փախցնելու, իսկ աղջիկը խնդրել է նման բան չանել, որովհետև ծնողները կբարկանան: 

Ըստ դատավճռի՝ իր անելիքը որոշած Կորյունը մի ձեռքով փակել է աղջկա բերանը, մյուսով գրկել նրա մեջքը, իսկ երկու ընկերները բռնել են աղջկա ոտքերից ու հարկադրաբար նստեցրել մեքենա: 

Կորյունն աղջկան մի քանի տուն է տարել՝ ծանոթների, բարեկամների: Աղջկան մի երկտող են գրել տվել. «Ես իմ կամքով եմ եկել, Կորյունին բան չասեք»: Մանկական հնարք՝ անչափահաս աղջկա առևանգումը «մարսելու» նկատառումներով:

Ի վերջո, երկու տաքսի փոխելով՝ Կորյունն աղջկան տարել է Գորիս: Այնտեղ էին նրա հարազատները: Նրանք նույնպես աղջկան հորդորել են ասել, թե սեփական կամքով է Կորյունի հետ Գորիս գնացել: Բայց բոլորն էլ հասկանում էին, որ վտանգավոր է առևանգված անչափահաս աղջկան տանը պահելը, մանավանդ որ արդեն հայտնի էր՝ առևանգման մասին աղջկա ընկերուհուց իրազեկվելով՝ նրա ծնողները դիմել էին ոստիկանություն:

Կորյունի հարազատներն աղջկան տարել են ոստիկանության Գորիսի բաժին: Աղջկա հայրը ժամանել ու տարել է դստերը՝ հաշտության հույսեր չթողնելով երիտասարդին:

Անհայտ տաքսու վարորդի ու Կորյունի ընկեր Գևորգի մասով գործից մաս է անջատված, կատարվում է քննություն: Իսկ Կորյունն ու Քաջիկը կանգնել են դատարանի առաջ:

Ընդհանուր իրավասության դատարանը եզրակացրել է, որ «սույն գործով հանցագործության՝ հանրության համար վտանգավորության աստիճանը պայմանավորված է նրանով, որ հանցավոր ոտնձգությունը կատարվել է մի խումբ անձանց հանցավոր համաձայնությամբ՝ ոտնձգություն կատարելով անչափահասի ազատության, պատվի ու արժանապատվության դեմ»:

Դատարանը հաշվի է առել, որ Կորյուն Գևորգյանը ցուցաբերել է առանձնապես ակտիվ դեր՝ նախաձեռնելով ու կազմակերպելով հանցագործության կատարումը, որի մեջ ներգրավել է ամբաստանյալ Քաջիկ Մուսայելյանին, իսկ վերջինս, որպես ընկեր, ընկնելով Կորյուն Գևորգյանի ազդեցության տակ, թեթևամտորեն չի կանխատեսել ծանր հանցանքի կատարման մեջ իր ներգրավվածության համար առաջացող քրեաիրավական հետևանքների բնույթն ու ծանրությունը»:

Ընդհանուր իրավասության դատարանը Կորյունին ու Քաջիկին մեղավոր է ճանաչել ՀՀ քրեական օրենսգրքի 131 հոդվածի 2-րդ մասի 1-ին և 4-րդ կետերով: Կորյուն Գևորգյանը դատապարտվել է 4 տարի 6 ամիս, իսկ Քաջիկ Մուսայելյանը՝ 4 տարի ազատազրկման:

Դատավճիռը բողոքարկել են Կորյուն Գևորգյանի շահերի պաշտպանը և Քաջիկ Մուսայելյանը: Նրանք պահանջել են պատիժը մեղմացնել, պայմանական դատապարտություն կիրառել, իրական ազատազրկման չենթարկել երիտասարդ, նախկինում չդատապարտված ամբաստանյալներին:

Վերաքննիչ քրեական դատարանը վերաքննիչ բողոքները բավարարել է:
1in.am
Просмотров: 707 | Добавил: Admin | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ
Copyright MyCorp © 2025