"Fertility and Sterility” ամսագրում գրանցվել են Դանդի համալսարանի գիտնականների անցկացրած  հետազոտության տվյալները, ըստ որոնց կույր աղիքըվիրահատած 76 հազար կանանց 39 տոկոսն առաջին հղիությունն է ունեցել 10 տարվա ընթացքում: Իսկ ցուցանիշն այն կանանց մոտ, ում կույր աղիքըվիրահատված չէ, 28 տոկոս է կազմել:

Ստացված տվյալները գիտնականներին մտածելու տեղիք են տվել այն հարցի շուրջ, որ միգուցե վիրահատությունը դրական ազդեցություն էլ է ունենում: Հետազոտության մասնակից բժիշկները հայտնել են, առայժմ իրենք խորհուրդ չեն տալիս կանանց վիրահատել կույր աղիքը հղիանալու համար, սակայն արդեն կարող են հաստատ ասել, որ կույր աղիքըվիրահատած կանայք երեխա ունենալու խնդիր չեն ունենա:

Շատ հիվանդներ կարծում են, որ վիրահատությունից հետո իրենց մոտ խնդիրներ կառաջանան: Հետազոտությունը, սակայն, վկայում է հակառակը: Մինչ այժմ արված բոլոր բժշկական հաշվետվությունների համաձայն` կույր աղիքի վիրահատության ընթացքում ստացված վնասվածքները կարող են դժվարություններ առաջացնել հղիանալու հետ կապված:

henaran.am