Հայտնի ռուս հեռուստահաղորդավար Լեոնիդ Յակուբովիչը հիվանդանոցում է։ Ըստ LifeNews-ի, սրվել են «Հրաշքների դաշտի» անփոխարիների վարողի սրտի խնդիրներն ու այժմ 67-ամյա շոումենը պատրաստվում է սրտի ստիմուլյատորի տեղադրման վիրահատությանը։ Յակուբովիչն անձամբ հրաժարվում է մեկնաբանել տեղի ունեցածը։

Տվյալ պահին Լեոնիդ Արկադեւիչը բժշկական հետազոտություն է անցնում, որի արդյունքով էլ վիրահատական միջամտության մասին վերջնական որոշում կկայացվի։

Ավելացնենք, որ Յակուբովիչի սրտի խնդիրները սկսեցին մի քանի տարի առաջ։ Այն ժամանակ նրան նույնիսկ հիվանդանոց տեղափոխեցին. «Հրաշքնրի դաշտի» նկարահանման ժամանակ ստիպված շտապ օգնություն էին կանչել։

NEWS.am STYLE