Երգչուհի Լիլիթ Հովհաննիսյաննիրեն ուղղված մեղադրանքներին պատասխանել է  Ֆեյսբուքի իր էջում:

"Իմ սիրելի հանդիսատես, դուք հաճախ եք ինձ  հարցնում` ինչու չեմ ես պատասխանում մեղադրանքներին, անտեղի վիրավորանքներին (պրոֆեսիոնալ քննադատություններին ես կողմ եմ): Ինձ հաճախ եք հարցնում` ինչու չեմ խմբագրում իմ յութուբյան ալիքում տեղ գտած մեկնաբանությունները` թողնելով միայն ինձ գովերգողները:

Շատ շնորհակալ եմ ձեր անհանգստության համար, սակայն, հավատացեք, ես ցանկություն չունեմ այդ մարդկանց որեւէ բան բացատրել: Ցավալի է, որ անանուն գրողն իրեն "լրագրող” է անվանում` դրանով իսկ շողք գցելով լրագրողի մասնագիտության վրա:

Ես չեմ պատասխանելու նման մարդկանց եւ չեմ պահանջելու, որ հանեն վիրավորական հոդվածները: Եթե նրանք նման բաներ գրելու անհագ ցանկություն ունեն, եթե դրանից իրենք բավականություն են ստանում, իրենց երջանիկ են զգում, ես միայն ուրախ եմ նրանց համար եւ ուզում եմ, որ դուք էլ նրանց ներողամտորեն վերաբերվեք, քանի որ միայն այդ դեպքում նրանք այնքան կգրեն, որ կհանգստանան, կհագենան եւ կսկսեն զբաղվել մեկ այլ գործով:

Շնորհակալություն բոլորիդ, որ բոլոր նման դեպքերում հղում եք ինձ ձեր բարի խոսքերը:

henaran.am