Լոնդոնում ընթացող ամառային Օլիմպիական խաղերում այսօր մեկնարկել է ծանրամարտի 85կգ քաշայինների պայքարը: Փորձառու ծանրորդ Արա Խաչատրյանը հանդես է եկել Բ խմբում:

Ինչպես տեղեկացնում է «Արմսպորտ» կայքը, պոկում վարժությունում Խաչատրյանը պատվիրել է 165կգ, սակայն բոլոր 3 մոտեցումներն էլ ձախողել է ու ստացել 0:

Ավելի վաղ 0-ով էին իրենց ելույթներն ավարտել նաև Առաքել Միրզոյանը ու Մելինե Դալուզյանը:

Ավելացնենք, որ ծանրամարտում Հայաստանը դեռ երկու ներկայացուցիչ ունի. 94կգ քաշային կարգում վաղն ասպարեզ դուրս կգա Նորայր Վարդանյանը` լեգենդար Յուրի Վարդանյանի որդին: Կանանց պայքարում օգոստոսի 5-ին հանդես կգա Հռիփսիմե Խուրշուդյանը (+75):