Օգտատերերի շրջանում բուռն աձագանք է գտել երեկվա ասուլիսում` Ոստիկանության հասարակական կարգի ապահովման վարչության պրոֆիլակտիկ բաժնի հատուկ-կարևոր հանձնարարություններով ավագ տեսուչ Արա Սրապյանի ներկայացրած տվյալները, ըստ որի` Հայաստանում հաշվառված է 240 մարմնավաճառ: Նա նշել էր, որ իրենք հաշվառում են միայն փողոցում կանգնող մարմանավաճառներին, բայց այդպիսիք կան նաև բարերում, գիշերային ակումբներում, հյուրախաղերով եկածների շրջանում, հեռախոսային կանչով և այլն. նրանք ընդհանրապես դուրս են վերահսկողությունից:

Հարցին` ինչպես պետք է ոստիկանությունը կանխարգելի երևույթը, բանախոսը պատասխանել էր, որ տեսուչն ամիսը մեկ անգամ պետք է հանդիպի մարմնավաճառների հետ: Արդյունավետությունը մեծ չէ, բայց եղել են նախադեպեր, երբ ոստիկանության աշխատակիցն իր բացատրական աշխատանքների շնորհիվ հետ է պահել մարմնավաճառին այդ գործից:

Շատերի կարծիքով` այստեղ օրենսդրական դաշտի բաց կա, եթե մարմնավաճառներն իրենց մարմնի վաճառքով են զբաղվում, այդ առևտուրը պետք է մտցնել հարկային դաշտ, վրան դրվի ԱԱՀ:

Ի դեպ, մարմնավաճառներին հարկային դաշտ բերելու թեման վաղուց է արծարծվում, բայց գործնական քայլեր դեռ չեն իրականացվում, քանի որ, ըստ քննարկումների, մարմնավաճառների եկամուտը կիսվում է 50/50 սկզբունքով ու դա շատերին է ձեռնտու: Բայց եթե այդ ծառայությունները բերվեն հարկային դաշտ, նրանց հնարավոր կլինի, խաղատների տարբերակով, դուրս հանել քաղաքի սահմաններից:

Ի դեպ, հարկման այդ մեխանիզմը կիրառվում է տարբեր երկրներում. վերջերս էլ Նիդերլանդների իշխանությունները, հաշվի առնելով տնտեսական ոչ այնքան բարվոք օրերը, որոշեցին հարկեր գանձել նաև աշխարհի ամենահին ''մասնագիտության'' տերերից:

mamul.am