Զիմբաբվեի երկրորդ խոշոր քաղաքում արտառոց դեպք է գրանցվել, որը նման է հոլիվուդյան սարսափ ֆիլմի սցենարի` մահացած կինը «հարություն է» առել փողոցի մեջտեղում, դագաղի մեջ: Երբ հյուրանոցներից մեկում ինտիմ ծառայություններ մատուցող մարմնավաճառուհին ուշաթափվում է, նրա հաճախորդը, տեսնելով, որ որևէ կերպ չի կարողանում օգնել կնոջը, ստիպված ոստիկանություն է զանգահարում: Վերջիններս զննելով կնոջը, փաստելով նրա մահը ` մարմինը տեղադրում են դագաղի մեջ, որպեսզի տեղափոխեն դիահերձարան:

«Ուտրո.ռու»-ի հաղորդմամբ, հյուրանոցի դռների մոտ կինը արթնանում է և տեսնելով, թե ինչի մեջ է այդ պահին գտնվում, նա սարսափած սկսում է բղավել` «Դուք ուզում եք ինձ սպանել»: Հյուրանոցի մոտ հավաքված անցորդները, տեսնելով, որ մահացածը հարություն է առել, սարսափած ու խուճապի մեջ փախուստի են դիմում: Միայն իրավապահները ստիպված մնում են նրա կողքին, որպեսզի բացատրեն, որ չէին պատրաստվում նրան սպանել: