Աննա և Կարենը ծանոթացել են պատահաբար: Այդ օրը Աննան լացելիս է լինում Մալականի կոչվող այգում: Կարենը տեսնելով Աննային` մոտենում և իր օգնությունն է առաջարկում: Աննան մերժում է և արագ հեռանում, սակայն Կարենը գնում է նրա հետևից, հասնում մինչև բակ, տեսնում, թե որ տունն է մտնում և վերադառնում: Դրանից հետո գրեթե ամեն օր Կարենը գնում էր այդ բակ, Աննային տեսնել նրան չի հաջողվում գրեթե մեկ ամիս, հուսահատված տղան հարցուփորձ է անում բակի տղաներից, ովքեր նրան ասում են, որ Աննան նոր է վերադարձել արտերկրից ու գրեթե միշտ տխուր է և լացակումած, իսկ արտերկրում էր սովորելու համար: Մի քանի օր անց Կարենը որոշում է համարձակ քայլ անել և գնում է Աննայենց տուն: Աննան տան էր, փակված սենյակում ու երբ նրան կանչում են աչքերն այնքան ուռած էր, որ երբեմնի խոշոր աչքերը վերածվել էր մանր ու չերևացող աչքերի: Ակնհայտ էր, որ նորից լացելիս է եղել: Աննան զարմանում է և չի էլ հիշում Կարենին, մինչև վերջինս հիշեցնում է իրենց հանդիպման օրը: Նրանք մի փոքր զրուցում են, Կարենը խոստովանում է, որ սիրահարվել է առաջին հայացքից: Աննան հեգնական ժպտում է և խնդրում իրեն չանհանգստացնել: Այդ օրվանից հետո Կարենն ամեն օր համառորեն գնում էր Աննայենց տուն, նույնիսկ ծանոթացել էր, մտերմացել Աննայի մայրիկի հետ, վերջինիս նույնպես հետաքրքրում էր աղջկա այդ վիճակը: Որոշ ժամանակ անց Կարենին հաջողվում է զբոսանքի հրավիրել Աննային, հաջողվում է նույնիսկ ծիծաղեցնել նրան: Օր օրի նրանց հարաբերություններն ավելի է խորանում: Մի գեղեցիկ օր Կարենը Աննային տանում է Մալականի կոչվող այգին և ամուսնության առաջարկություն անում, որին ի զարմանս Կարենի Աննան փախչում է և չի պատասխանում: Մի քանի օր հետո նրանք հաշտվում են և Կարենն ասում է, որ ամուսնության օրն արդեն նշանակված է: Ապրիլի 10-ին նրանք ամուսնանում են, շուտով ծնվում է նրանց առաջնեկը: Ամեն ինչ կարծես հարթ էր, մինչև մի օր, երբ Աննային զանգահարում է իր երբեմնի ընկերուհին և սկեսուրը պատահաբար լսում է նրանց խոսակցությունը, որի ժամանակ Աննան լացելով պատմում է, որ համարձակություն չի ունեցել Կարենին խոստովանել, որ ինքը ոչ թե սովորելուց է եղել արտերկրում, այլ թրաֆիքինգի զոհ է եղել: Սկեսուրն իհարկե անմիջապես նրան դուրս է վռնդում տանից, հայտարարելով, որ իր միակ տղան մարմնավաճառի ձեռքի խաղալիքը չի լինի, իսկ Կարենը հայտնվում է 2 քարի արանքում մի կողմից սիրելի կինն ու մյուս կողմից տղայական արժանապատվությունը: Աննան լուռ հեռանում է և հասկանում Կարենին, միայն խնդրում, որ վերջինս ների իրեն չխոստովանելու համար: