Քաղաքակրթությունց հեռու, իդեալական հանգստի մասին երազանքը շատերին է հետապնդում: Հենց այդ պատճառով ֆինանսական հնարավորություններ ունեցողներն աշխատում են քաղաքի ձանձրույթից թաքնվել ինչ-որ կղզում:

Ներկայացվում են մասնավոր կղզիները, որոնք հնարավոր է վարձակալել արձակուրդներին, որպեսզի հնարավոր լինի ժամանակավորապես  Ռոբինզոն Կրուզոյի կյանք վարել:

Կղզի Melody Key` ԱՄՆ

Մասնավոր կղզի Melody Key-ը գտնվում է Ֆլորիդա Կիս արշիպելագում` ԱՄՆ հարավ-արևելքում: Այս կղզու մեկ շաբաթվա վարձակալության համար պահանջվում է 10 000 դոլար` չհաշված հարկերը և սնունդը: Դրախտային վայրի ընդհանուր տարածքը կազմում է 2 հա: Վերջերս են այստեղ ավարտվել վերականգնողական աշխատանքները, որի ծախսը տիրոջ համար կազմել է 2,5 մլն դոլար: Տեղադրվել են արևային մարտկոցներ, անձայն էլեկտրոգեներատոր և ջրի թորիչ, ինչը կղզին ամբողջությամբ ինքավար է դարձրել:

Այս կղզի հնարավոր է հասնել միայն նավակով: Կղզու կենտրոնում տեղակայված է 265 քառ. մ տարածքով տուն` չորս ննջարանով, որոնցից յուրաքանչյուրում պատշգամբ կա` դեպի օվկիանոսը տեսարանով: Խոհանոցը հագեցված է տեխնիկայի վերջին նորություններով և բնական փայտից է: Վարձակալության գնի մեջ է մտնում նաև կատամարանը, որով հնարավոր է իրականացնել ծովային ճանապարհորդություն:

Կղզի` Musha Cay island, Բահամյան կղզիներ

Կարիբյան ծովում գտնվող կղզին պատկանում է հրաշագործ Դևիդ Կոպերֆիլդին: Սակայն այնտեղ դրախտային արձակուրդներ անցկացնելու համար անհրաժեշտ է մեկ գիշերվա համար վճարել 37 500 դոլար, այն էլ նվազագույն վարձակալության դեպքում` 4 օր: Կղզին նախատեսված է 20 հոգու հանգստի համար:

Կղզի  Ile des Deux Cocos` Մավրիկի

Աննկարագրելի բնական տեսարաններ ունեցող այս կղզում գտնվում է շքեղ վիլլա: Հնգաստղանի սպասարկման համապատասխան այս կղզին լիարժեք վարձակալողների տրամադրութայն տակ է, եթե նրանք պատրաստ են մեկ գիշերվա համար վճարել 4918 դոլար: 

Կղզի Aeiara, Ֆիլիպիններ

Ֆիլիպինյան մասնավոր Ariara կղզին տեղակայված է Պալավանայի հյուսիսում: 125 հա տարածքի վրա կառուցված է ժամանակակից դիզայնով 8 վիլլա:  Ցանկության դեպքում այստեղ հնարավոր է տեղավորել 20 մարդ: Կախված սեզոնից՝  վարձկալությունը տատանվում է 375 դոլարից մինչև 570 դոլար՝ մեկ օրվա համար:

Wadigi կղզի, Ֆիջի

Տեղակայված է Մամանուկա արշիպելագում, այնտեղ հյուրերին առաջարկվում են վիլլաներ: Այս հեռավոր անկյունում կարող են հանգստանալ ընդամենը 6 մարդ: Հյուրերի տրամադրության տակ է նաև երկու խոհարար, սպասավոր և նավակի նավապետ: Բացի դրանից՝ վարձակալողներին սպասվում է նաև մասնավոր երկու լողափ և լողավազան: Կղզու վարձակալությունը մեկ օրվա համար սկսվում է 2388 դոլարից:

1in.am