Մեծ Բրիտանիայում լայն տարածում է գտել պրոֆեսիոնալ լացողներին վարձելու սովորույթը, հայտնում է The Telegraph-ը՝ բացատրելով, որ դա արվում է հոգեհանգստի կամ թաղման արարողության ներկաների մոտ հանգուցյալի մասին «լավ տպավորություն թողնելու նպատակով»։

Արտասովոր ծառայության 1 ժամն արժե 45 ֆունտ ստեռլինգ (68 դոլար)։ Նմանատիպ մի ծառայության տնօրեն Յան Ռոբերթսոնն ընդունում է, որ այս գաղափարը շատ տարօրինակ կարող է թվալ բրիտանացիների համար։ Միևնույն ժամանակ նա ընդգծում է, որ իրականում վարձու լացողների երևույթը շատ տարածված է ասիական երկրներում։

Պրոֆեսիոնալ լացողները պատմել են, որ պատվերների պակաս չունեն և որ նախքան որևէ մեկի հոգեհանգստին կամ թաղմանը գնալը, ծանոթանում են նրա կենսագրությանը, նվաճումներին, կորուստներին, մի խոսքով՝ լավ տեղեկացվում են հանգուցյալի մասին՝ ճշմարտանման սգալու համար։