Դեռևս նախորդ ամիս, երբ մեր ֆեյսբուքյան էջում հարցում էինք արել՝ ընթերցողներին առաջարկելով գուշակել՝ ու՞մ սիրո պատմության բացառիկ անդրադարձն է լինելու «Ե՞ս Yes!» ամսագրի տոնական համարում, շատ ընթերցողներ գրել էին՝ Միհրան Ծառուկյանի և Շուշաննա Թովմասյանի:

Նրանց գրառումների համաձայն՝ «Ես»-ը վերջապես բացահայտել էր սերիալային դերասանների գաղտնի սիրավեպը: Առջևում մեր փետրվարյան սիրառատ համարն է, և մեր ընթերցողները, տեղյակ լինելով, որ  այդ համարում պետք է սիրո պատմություն ունենանք, պարբերաբար դիմում են մեզ հարցով, արդյո՞ք արդրադարձել ենք Միհրանի և Շուշաննայի սիրավեպին: Օրերս էլ մեզ խնդրել էին գրել, արդյոք ճի՞շտ է, որ նրանք գաղտնի նշանադրվել են:

Հասկանալով, որ ասեկոսեներն անընդհատ շարունակվում են, որոշեցինք այնուամենայնիվ անդրադառնալ այս թեմային:

Դերասանուհի Շուշաննա Թովմասյանը esyes.am-ի հետ զրույցում հետևյալն ասաց. «Նման բան չկա: Մենք ուղղակի ընկերներ ենք, գործընկերներ»:

Զրուցեցինք նաև Միհրան Ծառուկյանի պրոդյուսեր Ալեքսանդր Ստեփանյանի հետ, ով  ևս հերքեց լուրերի իսկությունը: «Այդպիսի բան չկա: Դա չի համապատասխանում իրականությանը»,- ասաց նա: