ՄԱՄՈՒԼ.am լրատվականի թղթակցի հետ զրույցում Կոտայքի մարզի Գեղարդ համայնքի ղեկավար Իշխան Թառոյանը հաստատեց հունվարի 7-ի գիշերը տեղի ունեցած ինքնասպանության դեպքը:

''12-րդ դասարանի աշակերտի ինքնասպանության պատճառները գալիս են ամիսների խորքից: Այսպես, երկու 2 ամիս առաջ պարզ դարձավ, որ ընտանիքի մայրը սեռական հարաբերությունների մեջ է ամուսնու քրոջ որդու հետ: Հարաբերություններն այնպես էին խորացել, որ մի օր ամուսինը սկսում է կասկածել ու գիշերվա ժամին բռնացնում է նրանց խոհանոցում` ամբողջովին մերկ: Արթնացնում է ընտանիքի անդամներին` որդիներին, հարևաններին ու սկսում է ծեծել կնոջը: Զանգահարում է կնոջ եղբորը, վերջինը ևս` իմանալով այդ մասին, գալիս է ու ծեծում նրան: Դե քանի որ այդ ընտանիքում ապրելն այլևս անհնար էր դարձել, կինը հեռանում է տանից'',- պատմում է գյուղապետն ու ներկայացնում դրան հաջորդած ողբերգական դեպքը. ''12-րդ դասարանում սովորող միջնեկ որդին, ով այդ ամիսների ընթացքում գտնվում էր ընկճված, ինքնամփոփ վիճակում ու չէր կարողանում համակերպվել մոր արարքի հետ, գաղտնի հեռանում է տանից: Դա տեղի է ունենում երեկ ուշ երեկոյան: Հարազատները ամեն տեղ փնտրում են, բայց չեն գտնում, մտածում են, որ փորձանքի է ենթարկվել: 
Գյուղի սկզբնամասում մի լքված տուն կա, որը ոչ դուռ ունի, ոչ պատուհան: Հանկարծ ոտնահետքեր են նկատում ու գնում են այդ ուղղությամբ: Նկուղում` պարանից կախված հայտնաբերում են երեխային… մոր անբարոյականության պատճառով որդին ինքնասպան էր եղել'',- հավելեց Իշխան Թառոյանը: