Հայաստանի դեռահասների վրա ազդեցություն է թողնում նախևառաջ ընտանիքը, ապա դպրոցն ու մեդիան: Եզրահանգումը ԵՊՀ Ժուռնալիստիկայի ֆակուլտետի դեկանի տեղակալ, բանասիրական գիտությունների թեկնածու, դոցենտ Անահիտ Մենեմշյանինն և նույն ֆակուլտետի Տեսության և պատմության ամբիոնի դասախոս Զարուհի Սարգսյանինն է: Նրանք այսօր ներկայացրեցին դեռհասաների շրաջանում սեփական հարցումների արդյունքները:

Հարցվածների 70 տոկոսը համացանցից օգտվում է շփման համար:10-20 տոկոսն է, որ համացանցն օգտագործում է տեղեկատվություն ստանալու համար: Շատերը նաև համացանցի միջոցով համակարգչային խաղեր են խաղում:

Դեռահասներն ամենաշատն օգտվում են odnoklassniki.ru կայքից: Այնտեղ նրանք հաճախ հանդես են գալիս ''մռութ'', ''I am լկտի boy'', ''I am simpo boy'' անուններով: Կարգախոսներում հիմնականում ծաղրում են դպրոցը, ուսումը, գրքերը: Կան նաև զգացական կարգախոսներ, սակայն դրանք շատ քիչ են:

Դեռահասներն ավելի քիչ օգտվում են facebook-ից և այնտեղ ներկայանում են իրենց անուններով:

Ինչ վերաբերում է սոցիալական ցանցերում նրանց լուսանկարներին, ապա մասնագետների խոսքով` աղջիկները "թիթիզ- միթիզ" նկարներ են տեղադրում, տղաները` ծխախոտը ձեռքներին` մտախոհ դեմքով են ներկայանում:

henaran.am