Վերջին ժամանակներս ակտուլ է դարձել նկարահանել ֆիլմեր' հին ու սիրված ֆիլմերի մոտիվներով: Այս անգամ Ֆյորդոր Բանդարչուկը որոշել է նկարահանել «Կովկասի գերուհին 2» ֆիլմը: Ֆիլմի բյուջեն կազմել է 2 միլիոն ԱՄՆ դոլար: Նկարահանումները սկսվել են, իսկ գլխավոր դերասաններին, ըստ ռեժիսորի, շատ շուտ են կարողացել գտնել: Ֆիլմի գլխավոր հերոսուհի Նինայի դերը կմարմնավորի Լյուբով Նովիկովան, իսկ Շուրիկինը' Կոնստանդին Կրյուկովը:

«Մեր ֆիլմը նախկինի վերանկարահանումը չէ: Պարզապես կան համընկնումներ Լեոնիդ Գայդայի «Կովկասի գերուհին» ֆիլմի հետ: Այստեղ նույնպես առկա են երիտասարդ, համակրելի հերոսներ, կա հարսնացուին փախցնելու տեսարանը, մի քանի նման տեսարաններ, բայց ընդհանուր առմամբ ֆիլմը բոլորովին այլ բան է լինելու»,- ասել է ֆիլմի համառեժիսոր Աննա Օլշանսկայան:

Սյուժեի մանրամասները հեղինակները դեռևս չեն ցանկանում բացահայտել: Սակայն ռուսական լրատվամիջոցներից մեկի տվյալներով, ֆիլմի հերոսուհին' Նինան, ծնողների հետ ապրում է սարերում, չի ցանկանում ամուսնանալ այն տղայի հետ, որին ընտրել է հայրը: Եվ այդ ժամանակ էլ նրա ճանապարհին հայտնվում է այլազգի Շուրիկը'բացարձակապես անտեղյակ Կովկասից: Ֆիլմը բավականին դինամիկ է լինելու' աղջիկ փախցնելու մի քանի տեսարաններով:

«Ըստ սյուժեի, ես այնքան էլ կովկասցի տղա չեմ: Իմ հերոսը գերմանացի է' բոլորովին այլ բնավորությամբ»,- պատմել է գլխավոր դերակատար Կոնստանդին Կրյուկովը:

Ֆիլմն էկրաններին կհայտնվի դեկտեմբերին:

http://ladynews.am/