Նոր անհայտ հիվանդությունն արդեն 60 երեխայի կյանք է խլել: Առողջապահության համաշխարհային կազմակերպությունը հետազոտում է առեղծվածային հիվանդության դեպքերը, որը տարածվել է Կամբոջայում: Բոլոր մահացած երեխաները յոթ տարեկանից փոքր են:

Պարզվել է միայն, որ հիվանդությունը սպանում է հոսպիտալացումից հետո 24 ժամվա ընթացքում: Առաջին դեպքն արձանագրվել էր դեռևս ապրիլին: Հիվանդության ախտանիշները ստանդարտ են` բարձր ջերմություն, շնչառության դժվարություններ, երբեմն էնցեֆալիտի նշաններ:

Այս պահին հաջողվել է փրկել միայն մեկ երեխայի կյանք: Հիվանդության պատճառներն ու աղբյուրը դեռևս հայտնի չեն:

mamul.am