Հետաքրքիր Փաստեր Չորեքշաբթի, 24.12.2025, 04:12
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Վախը դանդաղեցնում է ծննդաբերության գործընթացը

[Անիմացիա]
Սեղմիր Класс

Ամուսինը ծեծ ու ջարդով փորձել է կնոջից խլել որդուն, որ տա քրոջը, ով չի կարողացել մայրանալ

Առաջին տիկինն ստիպված է եղել վազել ավելին, քան նախատեսված էր

Ամերիկուհուն չեն ցանկացել թողնել ինքնաթիռ նստել կիսամերկ կրծքերի պատճառով

Քեյթ Միդլթոնը երեխա կունենա 2013-ի օգոստոսին. արքայական զույգի փոխարեն որոշել են

Հայաստանում նվազագույն սպառողական զամբյուղը պակասել է

Պոռնո դիտած 12-ամյա տղան ամիսներ շարունակ բռնաբարել է 9 -ամյա հարևանուհուն

Նախագահը հանդիպել է օլիմպիական խաղերին մասնակցող Հայաստանի մարզիկներին

Կրասնոդարի երկրամասում տեղատարափ անձրեւների պատճառով 10 մարդ է զոհվել

Ինչպիսի՞ տղամարդկանցից են խուսափում կանայք

Ինչ մեքենաներ են վարում հայ շոու բիզնեսի ներկայացուցիչները

Հոթ-դոգի սկանդալային գովազդն իրարանցում է առաջացրել /ֆոտո/

Լեդի Գագան իր նոր կոմպոզիցիան նվիրել է արքայադուստր Դիանային

[Անիմացիա]
Не Отработал Прием До Конца)

Ուրգանտը հերքել է Սվետլակովի ամուսնալուծության լուրերը

Ուրալում ռուսներն ու ուզբեկները հայերի «կոտորած» էին ծրագրել

Տիմոշենկոյին պատրաստվում են փախցնել բանտից. Сегодня

Ո՞վ պետք է զբաղվի խորովածի և ձմերուկի մնացորդները հավաքելու գործով

Поиск
Главная » 2013 » Մայիսի » 16 » Նորածնին շնչահեղձ անելու համար հարթաշենցի մայրը դատապարտվել է պայմանական պատժի
14:31
Նորածնին շնչահեղձ անելու համար հարթաշենցի մայրը դատապարտվել է պայմանական պատժի

ՀՀ Սյունիքի մարզի Հարթաշեն գյուղում նորածնի սպանության գործով դատավճիռ է կայացվել՝ երեխայի մայրը՝ Աննա Մկրտչյանը, դատապարտվել է 2 տարվա պայմանական ազատազրկման՝ 1 տարվա փորձաշրջանով: Աննա Մկրտչյանը մեղավոր է ճանաչվել ՀՀ քրեական օրենսգրքի 106-րդ հոդվածով՝ Մոր կողմից նորածին երեխայի սպանություն, նախատեսված հանցագործություն կատարելու մեջ:

Ամբաստանյալն իրեն լիովին մեղավոր է ճանաչել մեղադրանքում, ըստ որի նա 2011թ. հոկտեմբերի 8-ին ժամը 04-ի սահմաններում, Սյունիքի մարզի Հարթաշեն գյուղում գտնվող իրենց առանձնատան բակում` խոտի հակերի վրա միայնակ ծննդաբերելուց անմիջապես հետո իր նորածին երեխային ապօրինաբար կյանքից զրկելու դիտավորությամբ ձեռքի ափով փակել է վերջինիս արտաքին շնչառական անցքերը, բերանը, քթանցքները և այդ կերպ շնչահեղձ անելու եղանակով սպանել նրան: Ամբաստանյալի միջնորդությամբ գործը քննվել է արագացված կարգով:

ՀՀ Սյունիքի մարզի ընդհանուր իրավասության դատարանը՝ դատավոր Դավիթ Գրիգորյանի նախագահությամբ, գտել է, որ ամբաստանյալ Աննա Մկրտչյանի կողմից, նրա մեղավորությամբ, ծննդաբերելուց հետո նորածին երեխայի սպանությունն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 106-րդ հոդվածով նախատեսված հանցագործության հատկանիշներին:

Պատիժ նշանակելիս դատարանը հաշվի է առել, որ Ա. Մկրտչյանը կատարել է միջին ծանրության հանցանք, որի համար նախատեսված ազատազրկման ձևով պատժի առավելագույն ժամկետը հինգ տարի է, Ա. Մկրտչյանը երիտասարդ է, նախկինում դատված չի եղել, նրա անձը արատավորված չէ: Որպես ամբաստանյալի պատասխանատվությունը և պատիժը մեղմացնող հանգամանք, դատարանը դիտել է նրա անկեղծորեն զղջալը:

Նշենք, որ գործն ունեցել է «քույր» գործեր, որոնցից մեկով մեղադրական դատավճիռ է կայացվել, իսկ մյուսը կարճվել է մինչդատական վարույթում: Այսպես, Սյունիքի մարզի ընդհանուր իրավասության դատարանի` 27.02.2013թ. դատավճռով Հարթաշեն գյուղական համայնքի ղեկավար Ազատ Ղուկասյանը մեղավոր է ճանաչվել ՀՀ քրեական օրենսգրքի 138-րդ հոդվածի 2-րդ մասի 3-րդ կետով՝ անչափահասի բռնաբարություն և 142-րդ հոդվածի 1-ին մասով՝ անառակաբարո գործողություններ, ու դատապարտվել ազատազրկման 8 տարի ժամկետով:

Իսկ Աննա Մկրտչյանի կողմից «քննությանը օժանդակելու» արդյունքում բուժքույր Ալիսա Ենոքյանի դեմ քրեական գործ էր հարուցվել, նրա դեմ մեղադրանք էր առաջադրվել ՀՀ քրեական օրենսգրքի 104-րդ հոդվածի առաջին մասով՝ սպանություն, ինչի հետևանքով կինը 57 oր նախնական կալանքի տակ էր գտնվել: Ըստ նրան առաջադրված մեղադրանքի՝ 2011թ. հոկտեմբերի 8-ին ժամը 04-ի սահմաններում Սյունիքի մարզի Հարթաշեն գյուղի գյուղապետ Ազատ Ղուկասյանի կազմակերպմամբ Աննա Մկրտչյանի ծննդաբերությունն ընդունելու և նորածնին դիտավորությամբ, ապօրինաբար կյանքից զրկելու նպատակով գնացել է նույն գյուղում գտնվող Ա.Մկրտչյանի տան բակ: Այնտեղ նրա ծննդաբերությունից անմիջապես հետո՝ կատարելով Ազատ Ղուկասյանի ցուցումները, նորածնին տարել է Աննա Մկրտչյանի տնամերձ այգի, որտեղ էլ նորածնին ապօրինաբար կյանքից զրկելու դիտավորությամբ վերջինիս շնչուղիները խոտազանգվածով փակելով, խեղդամահ անելու եղանակով սպանել է:

Մեղադրյալի պաշտպաններ Ինեսսա Պետրոսյանն ու Ամալյա Ավագյանը մասնավոր հարցումներ էին կատարել Գորիսում, քանի որ Ա.Ենոքյանը պնդում էր, որ ինքն անմեղ է, որ դեպքի ժամանակ հերթապահել է աշխատանքի վայրում՝ «Գորիս» բժշկական կենտրոնում, որտեղ նա աշխատում է որպես բուժքույր, ուստի չէր կարող գնալ ու կատարել նման հրեշավոր արարք: Մասնավոր հարցման ենթարկված անձինք պաշտպանական կողմի միջնորդությամբ նախաքննական մարմնի կողմից հարցաքննվել էին որպես վկաներ և փաստել, որ իրոք Ալիսա Ենոքյանը չի բացակայել աշխատանքի վայրից: 

Նախաքննական մարմնի որոշմամբ անցկացված դատաձեռագրաբանական ու դատաթղթաբանական փորձաքննություններով նույնպես պարզվել էր, որ այդ օրը բուժքույրն իրոք գրառումներ է կատարել հիվանդանոցում և որ դրանց վաղեմությունը համապատասխանում է մեկ տարի առաջվա ժամանակահատվածին:

ՀՀ ոստիկանության գլխավոր քննչական վարչության քննիչ Վարդանյանն ու գործով դատավարական հսկողություն իրականացնող դատախազ Հովհաննիսյանը դատարանում հրաժարվել էին կալանքի ժամկետը երկարացնելու իրենց միջնորդությունից և մեկ օր անց, 57 oր նախնական կալանքի տակ գտնվելուց հետո, Ա.Ենոքյանն ազատ էր արձակվել «Աբովյան» ՔԿՀ-ից, նրա նկատմամբ ընտրվել էր չհեռանալու ստորագրություն խափանման միջոցը, ապա ավելի ուշ այդ խափանման միջոցն էլ էր վերացվել: Ի վերջո, Ա.Ենոքյանի այլուրեքությունը հաստատվելու արդյունքում գործը կարճվել էր և քրեական հետապնդումը դադարեցվել:

«Փաստինֆո»
1in.am
Просмотров: 559 | Добавил: Stepan | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ
Copyright MyCorp © 2025