Երգչուհի Արփինե Բեկջանյանին այսօր ընդհանրապես չենք տեսնում հեռուստաեթերում. չկան նաև տեսահոլովակներ ու ձայնասկավառակներ, փոխարենը նա երգում է ակումբներում ու այդպես գումար վաստակում:

ՄԱՄՈՒԼ.am լրատվականի թղթակցի հետ զրույցում երգչուհին ասաց, որ Հայաստանում նոր բան անելու մտադրություն չունի. իմաստ չկա. արհեստականորեն ստեղծված դժվարությունները հիասթափեցրել են: ''Ինչ տեսահոլովակի մասին է խոսքը, եթե TV-ները չեն ցուցադրելու. թվեր են կրակելու, այնպիսի թվեր, որ դրանցով կարող եմ մի 3 հատ տեսահոլովակ նկահարանել: Բացի այդ, ինչպես կարող են ինձ ցուցադրել, եթե հեռուստաեթերում մոնոպոլիա է. ներկայացնում են Երգի պետական թատրոնից դուրս եկած մարդկանց, գիտեք էլի, մի քանի հոգու մասին է խոսքը. միշտ նրանց PR-ն են անում, իսկ մենք ''սև ցուցակում'' ենք: Ես հեռուստացույց չեմ դիտում, կոլեգաներս` նույնպես: Ինչ դիտեմ, եթե նույն երգիչներն են, նույն աղբն է, նույն 6/8-ը'',- ասաց Արփինե Բեկջանյանը` հավելելով, որ ինքն այս ամենից խորը հիասթափված է, քանի որ ''իրենց ճանապարհից վերացրեցին, որ այսօրվա երգիչ-երգչուհիների համար մրցակից չլինեն'': Արփինեն չբացառեց, որ որոշ ժամանակ անց ինքն ու ընտանիքը ևս` երգարվեստից ու ապրելակերպից հիասթափված, բնակության տեղափոխվեն Ամերիկայի Միացյալ Նահանգներ:

mamul.am