ՀՀ բնապահպանության նախարարը հրաման է ստորագրել ՀՀ տարածքում 2012 թվականի սիրողական որսի կենդանիների համար թույլատրելի չափաքանակները ժամկետները սահմանելու մասին:

Օգոստոսի 25-ից ավելի քան 10 վայրի թռչնատեսակների որսի թույլտվությամբ Հայաստանում սկսվում է նոր որսի սեզոնը: Կան տեսակներ, որոնց որսն` ըստ հրամանի, կթույլատրվի ավելի ուշ: Օրինակ, աղվեսների որսը կթույլատրվի նոյեմբերի 1-ից մինչև 2013թ. հունվարի 31-ը և այդ որսատեսակի համար սահմանված առավելագույն գլխաքանակը` 300 է: Գայլերի համար, թեև որսորդի թիրախ դառնալու ժամկետը ավելի երկար է (2012թ. օգոստոսի 25-ից մինչև 2013թ. փետրվարի 28-ը), սակայն որսի առավելագույն գլխաքանակը սահմանափակված է 100-ով: Հարուստ բաժին չի նախատեսված նաև վարազի որսի սիրահարների համար: Տարեշրջանը նրանց համար կսկսվի ընթացիկ տարվա նոյեմբերի 1-ից և կավարտվի եկող տարվա փետրվարի 28-ին` առավելագույնը 10 որսված վարազ թույլատրելի գլխաքանակով:

Համաձայն հրամանի նախարարության համապատասխան ստորաբաժանումները նախարարին 2 շաբաթը մեկ կներկայացնեն հաշվետվություն սիրողական որսի վերահսկողական աշխատանքների ընթացքի վերաբերյալ:

mamul.am