Լոնդոնի Օլիմպիական խաղերի մրցումներին մարզադաշտից հետևող 54-ամյա անգլիացի Մարկ Ուորսդորֆը բրիտանացի ոստիկանների կողմից ձերբակալվել է միայն այն բանի համար, որ իրավապահներին կասկածելի է թվացել նրա դեմքի արտահայտությունը, գրում է The Daily Mail-ը:

Թեքվոնդոյի հրահանգիչը 5 ժամ շարունակ փորձել է բացատրել իրավապահներին, որ չի կարողանում ժպտալ, քանի որ տառապում է Պարկինսոնի հիվանդությամբ, ու նրա դեմքի մկանների մի մասն անշարժացած է:

«Ես նստած էի ինձ համար: Նույնիսկ չհասկացա էլ, թե ինչ կատարվեց, երբ ինձ բռնեցին, դեմքով պառկեցրին գետնին ու ձեռնաշղթա հագցրին»,- պատմել է բրիտանացին ու հավելել, որ այդ ամենի պատճառը եղել է նրա դեմքի հանգիստ արտահայտությունը:

Իրավիճակը հարթել հաջողվել է անգլիացու կնոջը, ով անհանգստանալով ամուսնու համար` զանգահարել է նրան ու զրուցել ոստիկանների հետ: