Յուրաքանչյուր կին հղիությունը պետք է  պատրաստ լինի թե ֆիզիոլոգիապես, թե հոգեպես: Պետք է փոխի կենսակերպը, սննդակարգը ձերբազատվի վատ սովորություններից, ինչպես նաև պետք է պատրաստ լինի անքուն գիշերներին ու երեխայի լացի ձայնից արթնանալուն:  Այս ամենի գիտակցումը կարևոր նախապայման է նորմալ հղիության և առողջ  երեխա ունենալու համար:

Հաշվի առնելով կնոջ  օրգանիզմի ֆիզիոլոգիական առանձնահատկությունները,  մասնագետները նշում են, որ կնոջ օրգանիզմը պատրաստ է հղիանալու 18 տարեկանից հետո միայն, քանի որ  այդ տարիքում օրգանիզմը, բոլոր տեսակի հորմոնալ և աճային գործընթացները ավարտված են լինում:

Վաղաժամ մայրությունը դեռ չկազմավորված օրգանիզմում կարող է առաջացնել   բազմաթիվ խնդիրներ, ինչպիսիք են՝ վիժումը, հղիության վաղաժամ ընդհատման անհրաժեշտությունը, պտղի թերհասություն և այլն: Հաշվի առնելով այս բոլոր հանգամանքները՝ մասնագետները մայրանալու համար ամենաօպտիմալ տարիք են համարում 18-20-ը:

life.panorama.am